• USD 424.85

  • EUR 504.21

  • RUB 5.84

  • CNY 65.86

20 Қыркүйек, 10:31:38
Алматы
+16°

Бүгін Ауғанстаннан 35 этникалық қазақ елге оралды. Бұл туралы, сыртқы істер министрлігінің ресми сайты хабарлады. 

Министрлік мәліметінше, арнайы ұшақпен Кабулдан Алматы қаласының әуежайына 41 жолаушы ұшып келген. Олардың ішінде Қазақстанның 4 азаматы, Қырғызстанның 1 азаматы және Қазақстанда тұрақты тұратын 1 ауған бар. Келген жолаушылар карантиннен өту үшін уақытша оқшауланады.

– Эвакуациялық рейсті ұйымдастыру "Талибан" қозғалысымен үйлестіріліп жүзеге асырылды. Қазақстанның Кабулдағы Елшілігі қалыпты режимде жұмыс істейді және Ауғанстанда тұратын қандастармен тұрақты байланыста. Өтініш берушілердің этникалық сәйкестігін растау және қандастарды қайтару жұмыстары жалғасуда, – деп хабарлады ведомство.

18 тамызда Қазақстан Ауғанстаннан өзінің 25 азаматын және Қырғызстан, Ресей мен Литваның 16 азаматын эвакуациялаған.

Бұдан басқа, Алматыға Кабулдан Ауғанстанға көмек көрсету жөніндегі БҰҰ Миссиясы (UNAMA) және басқа да халықаралық ұйымдардың кеңселері уақытша көшірілген еді.

 

"Қамшы" сілтейді
Ілмек сөздер: Ауғанстан Қандастар

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір