• USD 424.85

  • EUR 504.21

  • RUB 5.84

  • CNY 65.86

16 Қазан, 09:04:04
Алматы
+6°

Ақбұлақ ықшамауданының тұрғындары бүгінгі қайғылы оқиғаның қалай болғанын айтып берді, деп хабарлады tengrinews.kz сайты. 

– Мен үйде болдым. Алғашында шамамен 7-8 рет оқ атылды. Басында отшашу шығар деп ойладық. Терезені ашқанымызда айқай-шудың даусы естілді. Ештеңе түсінбедік. Бір ғана сөзін естідім, мүмкін, оқ атушы: "Кетіңдер бұл жерден" деді. Кейін бір қыз "Өлтірді" деп айқайлады, — деді Дильназ есімді куәгер.

Ал 60 жастағы Рахметолла Аймұрат атты куәгер бұл оқиғаны немерелерінен білген. Ол атыстың даусынан кейін не болғанын білу үшін көшеге шыққанда үйді полицейлер қоршап алғанын көрген. Бірақ ол кезде қарулы адам әлі ұсталмаған еді. 

 

– Мен не болғанын білуге шыққанмын. Кейін менен үйден шықпауымды ескертті. Күдікті сол жерде болған. Арнайы жасақтар келіп, өз міндеттерін орындады. Ол жерде не болғанын білмеймін. Мен оны қалай алып кеткендерін көрдім. Осы жерден суретке түсіріп алдым. Оны (күдікті-ред) көлікке отырғызып әкетті. Сосын мен кетіп қалдым. 

Екі полицейдің мәйітін алып шыққанын көрдім. Полицейлер суретке түсіруге тыйым салды, – деп жауап берді кәугер Рахметолла Аймұрат.

 

Зумрат есімді көршісі сот орындаушылары алғысы келген үйді бұрынғы иесінің ата-анасы салғанын айтты.

– Бұл үйді оқ атқан адамның ата-анасы салған. Құрылыс 1994 жылы басталып, 1997 жылы аяқталған. Бұған дейін жер бос тұрған. 1997 жылғы ұлына берілген. Бұл оның бірінші әйелінен туған ұлы. Олар бұл үйді салуды бастағанда әкесінің екінші әйелі, өгей шешесі қайтыс болған. Әкесі мұндай үлкен үйдің қажеті жоқ деп шешіп, жайлы пәтерге көшіп, үйін ұлына берген. Баласы оған көлігін берген. Әкесі әлдеқашан қайтыс болған. Оның ұлы қомақты несие алып, төлей алмаған. Банк үйді осыдан екі жыл бұрын алған. Кейін қалай өздеріне алғанын біз білмейміз және немен айналысқанын да білмейміз, – деді куәгер.

Бүгін сағат 17:00-де "Ақбұлақ" шағын ауданында төтенше оқиға болды. 54 жастағы Алматы тұрғыны 5 адамды атып тастады. 

Қаза болғандардың арасында 1982 және 1988 жылы туған екі учаскелік инспектор, бір сот орындаушысы және екі бейбіт тұрғын бар, олардың кім екені анықталуда.

 

 

 

"Қамшы" сілтейді
Ілмек сөздер: Алматы атыс Ақбұлақ

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір