Көрнекі сурет
Қазгидромет 7-9 қазанға арналған ауа райы болжамын жариялады.
Синоптиктер алдағы үш күнде жауын-шашын тоқтап, ауа температурасы жоғарылайтынын айтады.
Солтүстік-батыс антициклонның әсерінен елдің басым бөлігінде жауын-шашынсыз ауа райы болжанады, күн ашық болады. Тек шығыс пен оңтүстіктегі ауа райы циклонның кетуіне байланысты жаңбырлы, қарлы болады деп күтіледі.
7 қазан күні елдің шығысында қатты жауын-шашын болады. Республика бойынша түнде және таңертең тұман түседі.
Шығыста және орталықта — көктайғақ болып, бұрқасын көтеріледі, батыста — шаң соғады. Батыста және солтүстік-батыста күндізгі температура 10-18-ге дейін, солтүстікте, шығыста және орталықта 8-15-ке дейін, оңтүстік аймақтарда 15-20-ға дейін жоғарылайды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір