17 Қазан, 2021 NEWS
Фото: Sputnik Қазақстан
Алматы облысы Балқаш көлі маңында жеңіл моторлы чартерлік ұшақ құлады. Бұл ақпаратты индустрия және инфрақұрылымдық даму министрлігі растады.
Ведомство ақпаратына сәйкес, ұшақ аспанға көтерілу кезінде аударылып кеткен.
"17 қазанда Cessna 182 әуе кемесімен чартерлік рейс орындалған. Сағат 11:15-те Қарағанды брифингіне командир хабарламасы жетті. Ұшақ аударылып кеткен", делінген министрлік хабарламасында.
Әуе кемесі бортында бір экипаж мүшесі мен бір жолаушы болған. Апат салдарынан ешкім зардап шеккен жоқ, медициналық көмекке жүгінбеген.
Ұшақ толықтай қирағаны хабарланып отыр.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір