Қазақстанның бір облысында карантин шараларына өзгерістер енгізілді

Батыс Қазақстан облысының бас санитар дәрігері М.К.Арыспаев карантин шараларына өзгерістер енгізді.

Қаулыға сәйкес:

• "Ashyq" жобасына қатыспайытын объектілерде ойын-сауық, ұжымдық, отбасылық, естелік іс-шараларды, оның ішінде үйде (банкеттер, үйлену тойлары, мерейтойлар және т.б.) және адамдар көп жиналатын өзге де іс-шараларды өткізуге және оларға қатысуға тыйым салынады;
• жиналыстар, кеңестер, семинарлар, конференцияларды дәстүрлі форматта өткізуге рұқсат беріледі;
• 2021-2022 оқу жылы барлық меншік нысанындағы және ведомстволық бағыныстағы білім беру ұйымдарында сабақ штаттық форматта карантин талаптарын сақтай отырып оқытылады;
• COVID-19-ға қарсы вакцинациядан өтпеген қызметкерлердің жұмысы шектеледі; 
• Қоғамдық көліктер карантин талаптарын сақтай отырып жұмыс істейді;
• 65-тен асқан адамдарға азық-түлік, дәрі-дәрмек пен медициналық бұйымдарды, сондай-ақ қажетті тауарларды сатып алуды және медициналық мекемелерге баруды қоспағанда аса қажеттілік болмаса тұрғылықты жерінен кетпеуге кеңес беріледі;
  
  
• жерлеу шараларын өткізген кезде кемінде 2 метр әлеуметтік арақашықтықты сақталуы керек. Оған 20-дан көп адамның жиналуына тыйым салынады.

Қаулы қол қойылған күнінен бастап күшіне енеді.