Фото: Ашық дереккөз
Атырау облысындағы Теңіз мұнай-газ кенішінде жұмысшылар Маңғыстау облысындағы наразылық акциясына шыққандарды қолдап, ереуілге шыққаны хабарланды.
Әлеуметтік желілердегі видеодан мұнай-газ өндіретін компания аумағында жүздеген ер адамның арнайы жұмыс киімінде бір бағытқа қарай қозғалып бара жатқанын көруге болады.
"Теңіз ереуілде! Біз Маңғыстауды қолдаймыз!" – деп ұрандатып жатыр наразылық білдірушілер.
Маңғыстау облысы Жаңаөзен, Ақтау қалаларында автомобильге арналған сұйытылған газдың қымбаттауына байланысты тұрғындар 3 күн қатарынан наразылыққа шығып жатыр.
Үкімет газ бағасын кәсіпкерлер есебінен 120 теңгеден 85-90 теңгеге дейін түсіруге әзір екенін мәлім етті. Алайда тұрғындар газ бағасы бұрынғыдай 50 теңге келгенін қалайды.
Митингте "үкімет отставкаға кетсін" деген талаптар да айтылып жатыр.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір