– Геосаяси тұрақсыздық, жаңа сын-тегеуріндер мен қауіп-қатерлер жағдайында біз ұлттық мүддемізді қорғауға, мемлекетіміздің егемендігі мен аумақтық тұтастығын сақтауға дайын болуымыз керек. Сондықтан қорғаныс әлеуетін нығайту әрдайым біздің маңызды басымдығымыз болады, – деді Қасым-Жомарт Тоқаев.
Қ.Тоқаев күштік органдарда қызмет етудің абыройлы миссия және үлкен жауапкершілік екенін атап өтті. Оның айтуынша, Қазақстан Қарулы күштерінің сарбаздары мен сардарлары өздерінің ептіліктері мен қабілеттерін тұрақты түрде шыңдай отырып, озық жауынгерлік шеберліктерін көрсетіп келеді.
Қасым-Жомарт Тоқаев жиын барысында қос мерген Төлеуғали Әбдібеков пен Ыбырайым Сүлейменовке, капитан Александр Несмияновке қаза болғаннан кейін бүгін "Халық қаһарманы" атағын берді. Салтанатты іс-шараға қатысқан Төлеуғали Әбдібеков пен Ыбырайым Сүлейменовтің туыстарына Халық қаһарманының ерекшелік белгісі "Алтын жұлдыз" бен "Отан" ордені табысталса, Александр Несмияновтың наградасы музей төрінен орын алады.
Пікір қалдыру
пікір