Алматыда полиция генерал-мойоры ұсталды

Полиция генерал-майоры Жайлаубек Халықұлы жемқорлық бойынша күдікті деп танылды, деп хабарлады Сыбайлас жемқорлыққа қарсы қызмет баспасөз қызметі.

Антикор мәліметінше, Жайлаубек Халықұлы 23 мамырда ұсталған. Ол 2009-2016 жылдары Алматы және Ақмола облыстарында Ішкі істер департаменттерін басқарған.

"Ол соңғы қылмыстық істі тоқтатқаны үшін "К" азаматынан алдау арқылы ақша мен мүлкін алды деген күдікке ілінді. Сол күні Халықұлы ұсталып, Алматы қаласы полиция департаменті уақытша ұстау изоляторына қамауға алынды" делінген хабарламада.