Еңбек және халықты әлеуметтік қорғау министрлігі Қазақстандағы орташа зейнетақыны атады. Жыл басынан бері қазақстандықтарға 1,7 трлн теңгеден астам зейнетақы төленген.
Ведомство мәліметінше, қазіргі таңда Қазақстанда 2 млн 247 мың зейнеткер бар.
"2022 жылғы 1 тамыздағы жағдай бойынша зейнетақы төлемдерінің орташа мөлшері (базалық зейнетақыны ескергенде) 109 156 теңге болды",- делінген хабарламада.
Еске салсақ, шілдеде зейнетақы төлемдерінің орташа мөлшері базалық зейнетақы төлемін есепке алғанда 117 469 теңге болған еді.
Пікір қалдыру