• USD 476.89

  • EUR 462.2

  • RUB 8.31

  • CNY 66.64

30 Қыркүйек, 19:50:42
Алматы
+8°

Алматы қаласының прокуратурасы «Аrtsport» бағдарламасы арқылы балалардың спорттық және шығармашылық тапсырыстарын қаржыландыру кезінде заңдылықтың сақталуына тексеру жүргізіп жатқанын хабарлады.

2021 жылдың мамыр айынан бастап Алматыда бағдарламаны жүзеге асыруға 12,8 млрд теңге бөлінген.

Прокурорлық тексерудің алдын ала нәтижелері бірқатар заң бұзушылықтарды анықтаған.

"Бюджет қаражатын жымқыру бойынша қылмыстық схемалар анықталды. Атап айтқанда, елден тыс жерде, ауруханада болған және секциялар мен үйірмелерге мүлдем қатыспаған 2000-нан астам балаға орындалған жұмыстар актілері ұсынылды. Өткізілген сабақтардың саны 5000-нан асады.

Тек 935 «Аrtsport» қатысушысы іс жүзінде спорт мектептерінде айналысады.

Балалармен жұмыс істейтін, бұрын сотталған және түрлі қылмыстар үшін жауапқа тартылған 13 жаттықтырушы анықталды.

Бұл ретте еңбек шарттарын жасаспаған, зейнетақы аударымдары жүргізілмеген жаттықтырушылардың өздеріне қатысты да еңбек құқықтарын бұзуға жол беріледі.  

Аталған фактілер бойынша қала прокуратурасы алаяқтық фактісі бойынша қылмыстық іс қозғады.

Бірқатар материалдар процестік шешім қабылдау үшін қылмыстық қудалау органдарына берілді" делінген хабарламада.

Бұдан басқа, «Аrtsport» платформасының функционалының жұмысында да елеулі олқылықтар анықталған. Мәселен, мемлекеттік органдардың ақпараттық жүйелерімен біріктірілмеген, балалардың дербес деректері қорғалмаған.

Қазіргі уақытта мамандарды тарта отырып, тексеру жүргізіліп жатыр.

"Қамшы" сілтейді
Ілмек сөздер: Аrtsport бағдарламасы

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір