Назарбаевтың денсаулығы туралы ресми ақпарат шықты

Экс-президент Нұрсұлтан Назарбаевтың денсаулығы туралы ресми ақпарат шықты. Оның баспасөз хатшысы Айдос Үкібай "Назарбаев ауруханада жатыр" деген ақпаратты растады.

"Нұрсұлтан Назарбаевтың жүрегіне ота жасалды. Ота сәтті өтті. Оның өміріне қауіп төніп тұрған жоқ. Қазір дәрігерлердің бақылауында. Ота ұлттық ғылыми кардиохирургиялық орталықта белгілі кардиохирург Ю.Пяның басшылығымен өтті", - деп жазды Айдос Үкібай. 

Бүгін журналист Александр Аксютиц экс-президенттің ауруханада жатқаны туралы ақпарат жариялаған еді.