Асхат Аймағамбетов Мәжілістің комитет төрағасы болып сайланды

Мәжілістің VIII шақырылымының алғашқы отырысында комитет төрағалары сайланды. Олардың ішінде бұрынғы Оқу–ағарту министрі Асхат Аймағамбетов те бар.

Асхат Аймағамбетов төменгі Палатаның комитет төрағасы болып бекітілді, деп мәлімдеді Қазақстан Парламентінің Мәжілісі ресми сайтында. 

"Біздің тарапымыздан Әлеуметтік–мәдени даму комитетіне Асхат Қанатұлы Аймағамбетовтің кандидатурасы ұсынылады" – деді депутат Елнұр Бейсембаев.

Депуттар Асхат Аймағамбетовтің кандидатурасын бірауыздан мақұлдаған.

Еске сала кетейік, бүгін Астанада VIII сайланған парламенттің алғашқы сессиясы өтіп, мәжіліс төрағалығына Ерлан Қошанов қайта сайланған болатын.