11 Қыркүйек, 2023 NEWS
![](/media/2023/09/11/crop-2_57_672x1194_64f85f73b99ea081378538.jpg?width=600&height=480)
Фото: Ашық дереккөз
Президенттің баспасөз хатшысы Нұрмұхамед Байғараев қызметінен кетті. Ол бұл қызметке өткен аптада ғана тағайындалған еді.
“Кеше денсаулығыма қатысты оқыс жағдайдан соң (приступтар) дәрігерлерге тексерілуге мәжбүр болдым. Толық тексерістен кейін сырқаттың белгісі байқалды. Дәрігерлер ұзақмерзімді ем-домды бірден бастауды, оны тұрақты қабылдауды және бастысы – ұшақпен ұшуды белгілі бір уақытқа дейін тоқтатуды талап етті. Медициналық талап қазіргі қызметімді толыққанды атқаруға кедергісін келтіретіні белгілі. Себебі аймақтарға және шетелдерге іс-сапарлар тұрақты түрде болады. Бұл – жиі ұшақпен ұшу деген сөз. Шыны керек, мұндайды өзім де күтпедім. Жоспар басқаша еді. Өткен аптада кіріскен қызметіме біліміммен, біліктілігіммен дайын едім. Баспасөз қызметін жетілдіруге, одан әрі ашық етуге қатысты бірнеше идея, бастамаларым бар еді”, – деп жазды Нұрмұхамед Байғараев өзінің әлеуметтік желідегі парақшасында.
Еске салсақ, Нұрмұхамед Байғараев 6 қыркүйекте президентің баспасөз хатшысы қызметіне тағайындалған болатын.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір