09 Қараша, 2023 Барлық аймақтар
Қазақстан Қытайға уран жеткізу туралы келісті
Ұзақ мерзімді келісімшарт жасасты.
kazatomprom.kz
"Қазатомөнеркәсіп" ұлттық атом компаниясы" АҚ China National Uranium Corporation Limited – CNUC компаниясымен қазақстандық табиғи уран концентратын жеткізу жөніндегі келісімшартқа қол қойды.
Компанияның хабарлауынша, бұл келісімшарт Қытайдың таза, көміртексіз электр энергиясына деген өскелең қажеттілігін қамтамасыз етуге және екі ел арасындағы атом саласындағы тарихи ұзақ мерзімді қатынастарды нығайтуға ықпал ететін болады.
"Қазатомөнеркәсіптің нарыққа бағдарланған стратегиясы барлық мүдделі тараптар үшін ұзақ мерзімді құн құру мақсатында табиғи уран концентраттарын өндіруге, өңдеуге және сатуға бағытталған. CNUC сияқты ірі қытайлық энергетикалық компаниялардың бірімен тығыз ынтымақтастық орнату Қазатомөнеркәсіптің әлемдік ядролық отын нарығында сенімді және таңдаулы жеткізуші ретіндегі орнықты беделін білдіреді", - деп толықтырды "Қазатомөнеркәсіп" ҰАК" АҚ стратегия және маркетинг жөніндегі басқарушы директоры Сейітжан Жәнібеков.
CNUC компаниясымен ұзақ мерзімді келісімшартқа 2023 жылғы мамырдағы акционерлердің жылдық жалпы жиналысында бұрын мақұлданған мәміле шеңберінде Шанхай қаласында өткен China International Import Expo 2023 көрмесінде қол қойылды.
Келісімшарттың көлемі мен коммерциялық шарттары құпия әрі коммерциялық тұрғыдан сезімтал болғандықтан көпшілікке жария етілмейді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір