14 Қараша, 2023 Барлық аймақтар
Қазақстан халқы 20 миллионға жақындап келеді
Бір жылда ел халқы 1,4% көбейді.
фото ғаламтор желісінен алынды
2023 жылғы 1 қыркүйектегі жағдай бойынша, Қазақстан халқының саны 19,9 млн адамды құрады, бұл былтырғыдан 1,41% артық. Бұл туралы finprom.kz жазды.
Биыл жыл басына қарай елімізде 19,8 млн адам болса, жылдық өсім 1,35%. Жалпы, ел халқының өсу қарқыны 1,28%–1,49% деңгейінде. Ерекшелік 2022 жыл болды. Ол кезде халық санының 3,3% өсуі алғаш рет тіркелді.
2023 жылғы 1 қыркүйектегі жағдай бойынша, халық саны ең көп өңірлер Алматы қаласы (2,2 млн адам), Түркістан (2,1 млн адам) және Алматы (1,5 млн адам) облыстары. Ең аз Ұлытау, Солтүстік Қазақстан және Абай облыстарында: тиісінше 221,5 мың, 531,7 мың және 608,9 мың адам.
Сонымен қатар, бірқатар облыстарда: Солтүстік Қазақстан, Абай, Жетісу, Шығыс Қазақстан және Қостанай облыстарында халық санының төмендеуі байқалды.
Гендерлік көрсеткіш бойынша жыл басында ерлер саны бір жылда 1,4% өсіп, 9,6 млн адамға, әйелдер саны 1,3% өсіп, 10,1 млн адамға жетті.
Оқи отырыңыз: Қазақстанның 8 облысында халық саны миллионға жуық адамға азаяды – 2050 жылға болжам
Әйелдердің жалпы саны ерлер санынан 4,9% асып түсті.
Ел халқының 35,5%-ын 18 жасқа дейінгі балалар құрады: шамамен 7 млн. Елде 29 жасқа дейінгі 2,7 млн жас бар.
60 пен 69 жас аралығындағы халық саны 1,6 млн, 70 пен 79 жас аралығындағылар — 681,6 мың, 80 жастан асқандар — 317,3 мың.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір