Amerıkandyq BAQ: Erdoǵannyń tákapparlyǵy Túrkıanyń syrtqy saıasatyna kesirin tıgizdi

/uploads/thumbnail/20170708222109800_small.JPG

Amerıkandyq Washington Post gazeti Túrkıanyń saıasatyna qatysty sarapshylardyń pikirin jarıalady, - dep habarlaıdy «Qamshy» portaly.

Onda Erejep Erdoǵannyń saıasaty Túrkıany tyǵyryqqa tiredi jáne odan shyǵý endigi ýaqytta ońaı emes degen pikirler aıtylady.

Qazir túrik prezıdenti Sırıaǵa áskerı operasıa bastap, halqynyń da, álemdik qaýymdastyqtyń da, tipti, áskerılerdiń de narazylyǵyn týǵyzyp otyrǵanyn aıtady basylym. Erdoǵannyń óz múmkindikterin asyra baǵalap, Sırıaǵa qatysty saıasattaǵy kóptegen faktorlardy eskermegeni sóz bolady.

«Erdoǵan syrtqy saıasatty óziniń menmendiginen aqsatyp aldy. Ol 2010 jyly Túrkıanyń jaǵdaıyna mastanyp qaldy. Onyń mindetine kirmeıtin de máseleler bar. Biraq, olardyń oryndalýyna jaýap beretin - prezıdent», - deıdi Túrkıa jónindegi sarapshy Genrı Beıker.

Osy aptada Túrkıany basty odaqtasy AQSH sırıalyq kúrdter máselesinde qoldamaıtyny belgili boldy.

Basylym «Sondyqtan, Túrkıa problemalar labırıntinde adasyp qaldy. Ol problemalardyń kóbine Túrkıa ózi kináli», - degen Kadır Has (Ystambul) ýnıversıtetiniń profesory Solı Ózeliń pikirin keltiredi.

«Túrkıa aınalasymen qarym-qatynasty buzǵany sonsha, eshkimge ózine paıdaly birdeńe jasaýǵa usynys aıtatyn hálde emes. Bul eldiń sózi qazir esh salmaqsyz bolyp qaldy. Túrkıa óz ýádelerin oryndamaıtyn boldy. Ol óziniń basty múddelerin qorǵaı almaı otyr jáne barlyq odaqtastarymen kıkiljiń týǵyzýda. Osyǵan deıin aımaqtyq derjava atalyp kelgen el úshin bul – qasiret», - deıdi S. Ózel.

AQSH qoldaýynan aırylǵan soń, Túrkıa shekarasyna Reseı jaqyndap keledi. Sırıa men Armenıada reseılik kúshterdiń bolýy, Sırıadan aǵylǵan bosqyndar túrkıalyq  azamattarǵa úreı týǵyzýda, ekonomıka depressıaǵa ushyrady, al, el ishinde kúrdtermen qaqtyǵystar qarqyn alýda», - delingen maqalada.

Sondaı-aq, Ipek (Ankara) ýnıversıtetiniń profesory Gokhan Basık Túrkıa jaǵdaıyna qatysty: «Túrkıa kóp josparly apatqa tap boldy. Buryn da kóp problemalardy bastan keshken eldiń búgingi qıyndyqtarynyń aýqymy eldiń múmkindikterinen áldeqaıda asyp túsedi», - deıdi.

AQSH-qa arqa súıep Reseımen kıkiljińge barǵan Túrkıaǵa bir ǵana Sırıa máselesiniń ózi ońaıǵa soqpaıtyn sıaqty. Óıtkeni, AQSH sırıalyq kúrdterge qatysty Túrkıaǵa jaqpaıtyn ustanym bildirdi. Onyń ústine, elde oryn alǵan sońǵy lańkestik áreket te Erdoǵannyń endigi saıasatyna birshama «ózgeris» jasaýy múmkin.

 

Pikir qaldyrý

Qatysty Maqalalar