Oqaly arýlarǵa qurmet kórsetildi

/uploads/thumbnail/20170708223734833_small.jpg

Búgin Qazaqstan Respýblıkasynyń Ulttyq ulany «Ońtústik» óńirlik qolbasshylyǵynda 8 naýryz - Halyqaralyq áıelder kúnine arnalǵan saltanatty jıyn ótti, - dep habarlaıdy «Qamshy» portaly.

Qyzyǵy men qıyndyǵy qatar júretin áskerı qyzmettiń sýyǵy men ystyǵyna tózip júrgen Ulttyq ulan áskerı bólimderiniń batyl qyzdaryn «Ońtústik» óńirlik qolbasshylyǵynyń qolbasshysy general-maıor Álibek Serálıev quttyqtap, áskerı qyzmetshi áıelder qaýymynyń jetken jetistikterin atap ótti. Óz sózinde qolbasshy: «Ulttyq ulan qataryndaǵy erlermen teń qarý asynyp júrgen arýlar esh qaımyqpastan, táýliktiń kez kelgen ýaqytynda ózderine júktelgen tapsyrmalar men mindetterdi adal atqaryp júr. Óz ómirlerin Otan qorǵaý jolyna  arnap,  er adamdarmen qatar qatań áskerı tártiptiń quryshynda bolat bop qaınaǵan osyndaı batyl da qaısar áıelderdi keshegi Hıýaz, Mánshúk, Álıadaı qazaq batyr qyzdarynyń dástúrli jalǵasy dep bilemin» - dep júrekjardy tilekterin arnaǵan soń, Qazaqstan Respýblıkasy İshki ister mınıstriniń, Ulttyq ulan Bas qolbasshysynyń jáne óńirlik qolbasshylyqtyń buıryǵymen marapattalǵan úzdik áskerı qyzmetshi arýlarǵa  gramotalar men keýde belgilerin tabys etti.

Osy jıynǵa arnaıy kelgen Qazaqstan Respýblıkasy Generaldar keńesi Prezıdıýmynyń múshesi, Ulttyq ulan «Ońtústik» óńirlik qolbasshylyǵy Ardagerler keńesiniń tálimgeri otstavkadaǵy polkovnık Ivan Komarov ta Ulttyq ulannyń zeınetker áıelderi men el basyna kún týsa, etigimen sý keshýge ázir arýlardy kele jatqan tól merekelerimen quttyqtap, Ardagerler keńesiniń atynan olardyń omyraýlaryna estelik keýde belgilerin taqty. 

Atap ótkimiz keletini, Ulttyq ulan qatarynda on jyldan astam qyzmet etip, ofıserlik laýazymnyń naǵyz maman kadryna aınalǵan «Ońtústik» óńirlik qolbasshylyǵy tárbıe jáne áleýmettik-quqyqtyq jumystar basqarmasynyń aǵa ofıseri  kapıtan Danara Baımaǵanbetovaǵa Qazaqstan Respýblıkasy İshki ister mınıstriniń buıryǵymen merziminen buryn «maıor» áskerı sheni berilgen bolatyn, ony osy jıynda óńirlik qolbasshylyqtyń qolbasshysy Álibek Bolatuly saltanatty túrde tabys etti.

Búginde Qazaqstan Respýblıkasy Ulttyq ulan «Ońtústik» óńirlik qolbasshylyǵyna qarasty áskerı bólimderde barlyǵy 380-nen astam qyz-kelinshek erlermen ıyq tirestirip qyzmet etýde. Túrli qyzmettegi mamandar, baqylaý-ótkizý pýnktiniń saqshysy, maman-operator, bólinis feldsheri, qoıma bastyǵy, taǵy basqa laýazymdardaǵy názik jandylar ózderine júktelgen tapsyrmalardy abyroımen oryndap, áriptesteri men qolbasshylyq aldynda zor qurmet ıelenýde.

 

Pikir qaldyrý

Qatysty Maqalalar