Bıznesmen Qýanysh Shonbaı "16 qyz" fılmin qazaq tilinde praım-taımda kórsetý úshin kınoteatrlardyń biriniń zalyn satyp aldy, - dep habarlaıdy «Qamshy» portaly Tengrinews.kz – ke silteme jasap.
Kásipkerdiń aıtýynsha, bul aksıasymen ol qazaq tilindegi fılmderdi praım-taımdarda kórsetilmeıtindigi týrasyndaǵy máselege nazar aýdarǵysy kelipti. "Qoǵamdastyq pen bizdiń blogerler prokatshylardyń bizdiń fılmderdi shettetetinin, olardy tańǵy saǵat 10-ǵa qoıatynyn aıtyp, shaǵymdanyp jatyr. Sosyn men kınoteatrlarǵa adam kóp keletin keshki ýaqytta zaldy satyp alýdy usyndym. Qazaq kınosynyń qyzyq ekenin jáne jaqsy prokat jınaı alatynyn kórsetkimiz keldi. Azamattyq pozısıamdy kórsetkim keldi", - deıdi Qýanysh Shonbaı.
Ol Kınodaǵy til máselesin, otandyq kıno máselesin keshendi túrde sheshý kerek dep esepteıdi. "(...) Munymen memlekettiń aınalysýy kerektigi belgili. Biraq biz belsendi azamattar kútpeýimiz kerek. Kennedı aıtpaqshy, bizge otan ne beredi dep emes, biz elge ne bere alamyz dep oılaýymyz kerek. Birneshe oı, joba bar. Ortaq kúshimizdiń arqasynda qazaq tilin, mádenıetimizdi, kınomyzdy damyta alamyz dep oılaımyn", - dedi Q. Shonbaı.
Rejıser Qanaǵat Mustafınniń qazaqstandyq komedıasy 17 naýryzda 19.30-da kórsetiledi. Chaplin kınoteatrynyń basshylyǵy 154 adamǵa arnalǵan úlken zalyn usyndy. Kirý tegin, tek osy jazbaǵa pikir retinde kınoǵa baratynyn jazý kerek eken. "Kirý tegin, biraq qalasańyzdar, bılet qunynyń aqshasyn balalar baqshasynyń balalaryna popkorndar men sýsyndar alyp berýlerińizge bolady (40 bala)", - dedi ol.
Pikir qaldyrý