Jyl basynan beri destrýktıvtik dinı aǵymdardyń qyzmetinen zardap shekken 1134 adam ońaltyldy dep habarlaıdy Qamshy.kz aqparat agenttigi. Bul radıkaldy jáne destrýktıvtik dinı aǵymdardan zardap shekkenderge kómek kórsetý ortalyqtarynyń belsendi jumysy nátıjesinde oryndaldy. 2017 jyldyń birinshi jartyjyldyǵynda el aýmǵynda 5000 astam is-shara ótkizilip, oǵan 6630 adam qamtyldy.
Ekstremızm men terorızmge qarsy is-qımyl jónindegi memlekettik baǵdarlama aıasynda bilikti teolog, dintanýshy, psıholog jáne dinı berlestikter men úkimetik emes uıymdar ókilderiniń qatysýymen júrgizilgen jumys osyndaı nátıjelerge qol jetkizýge múmkindik berdi.
Qazaqstanda ońaltý jumystaryna Astana, Almaty qalalarynyń jáne oblystardyń Din isteri basqarmalary men ońaltý ortalyqtary jumyldyrylǵan. Atap aıtqanda, barlyq óńirlerde Dinı problemalardy zertteý ortalyqtary, «Nasıhat» konsýltasıalyq-ońaltý ortalyǵy» (Kókshetaý q.), QMDB janyndaǵy O. Esenuly atyndaǵy oqý-ońaltý ortalyǵy, «Nurly bilim» QB (Qaraǵandy q.), «Ańsar» aqparattyq-taldaý ortalyǵy» (Aqtóbe q.), «Shapaǵat» destrýktıvtik dinı aǵymdardan zardap shekkender kómek kórsetý (Atyraý q.) ortalyqtary jumys isteıdi.
Atalǵan ońaltý ortalyqtarynyń qyzmeti ekstremısttik sıpattaǵy destrýktıvtik dinı aǵymdardyń yqpalynan zardap shekkenderdi ońaltý jáne beıimdeý arqyly halyqtyń radıkaldaný deńgeıin tómendetýge baǵyttalǵan.
Sondaı-aq, aqparattyq túsindirý jáne ońaltý jumystary qylmystyq-atqarý júıesi mekemelerinde de júrgizilýde. Óńirlik Din isteri basqamalarymen aǵymdaǵy jyldyń birinshi jartyjyldyǵynda 3888 kezdesýler uıymdastyrylyp, oǵan 18 000-nan astam adam qamtylǵan. Onyń qorytyndysy boıynsha 264 adam ózderiniń destrýktıvtik dinı kózqarastarynan bas tartty.
Eske sala keteıik, QR Din isteri jáne azamattyq qoǵam mınıstrligi ýákiletti jáne jergilikti atqarýshy organdarmen birlesip radıkaldy jáne destrýktıvtik dinı ıdeologıanyń yqpalyna túsken tulǵalarǵa teologıalyq jáne psıhologıalyq ońaltý jumystaryn uıymdastyrý boıynsha keshendi sharalar qabyldaýda.
Pikir qaldyrý