Belgili jýrnalıs Serik Janbolat Jazýshylar odaǵyna pıar úshin Baıan Esentaevany qabyldaǵannan esh utylmaıtynyn aıtty dep habarlaıdy Qamshy.kz aqparat agenttigi. Bul týraly Serik Janbolat óziniń Facebook áleýmettik jelisinde jazǵan bolatyn.
«Eger Jazýshylar odaǵyna zamanaýı pıar kerek bolsa,onda Baıan Esentaevany múshelikke qabyldaǵannan utylmaıdy. Óıtkeni, zamanaýı menedjmenttiń arbasy alǵa shyqty qazir, PR zańdylyqtary oryp áketip barady. Kapıtalızmniń bastaýynda otyrǵandaǵymyz bul. Teledıdardyń tórindegi ánshiler - sonyń qarlyǵashtary ǵana. Alda jantalasyp pıar qýalaıtyn kúnder kele jatyr. Óıtkeni, jarnamanyń sondaı qudyreti bar. Jarnamasy bar adamnyń kitabyn qýalap júrip oqımyz áli. Al, ózin qoǵamǵa qoıar da qoımaı ótkizip otyrǵan adamnyń biri - Baıan Esentaeva. Naryqtyń, bazardyń kózimen qarasaq, ol - fenomen. Al, kapıtalızm Jazýshylar odaǵyn aınalyp ótedi degen zańdylyq joq. Qazaq tili de kapıtal tiline aınalmaǵan soń - beıshara kúıde. Kim óziniń boıynda bardy kapıtal tiline aınaldyra alady, sonyń sózi - sóz. Ózi - ótimdi taýar. Árıne, meniń osy pikirim úshin sizder meni aıamaıtyndaryńyzdy bilemin. Biraq, men muny Qarl Marks jazǵan kapıtaldyń zańdylyqtaryna súıenip aıtyp otyrmyn. Men osyny qalaıyn, qalamaıyn, naryqtyń qarapaıym zańdary menen de, sizden de eshteńeni suramaıdy. Keshegi tarıhyń da kerek emes oǵan. Ádebıet - taýar ol úshin. Bul dóńgelek bizge deıin de osy mehanızmmen aınalǵan. Solaı aınaldyrady bizdi áli. Qalaı bulqynsaq ta biz naryq zańdarmen ómir súrýge májbúr bolamyz.Al, naryq zańdaryn kim jaqsy meńgerdi, sol aldymyzda júretin bolady. Al, bul - fakt!»,- dedi Serik Janbolat.
Pikir qaldyrý