Gúlnara Karımovanyń uly: Anama jala jaýyp otyr

/uploads/thumbnail/20170802162502957_small.jpg

Ózbekstannyń burynǵy prezıdenti Islam Karımovtyń úlken qyzy Gúlnara Karımovanyń uly kishi Islam Karımov Bas prokýratýrany anasyna qatysty qylmystyq isti qoldan jasap otyr dep aıyptady. 1 tamyzda  Islam Karımov VVS-ge bergen suhbatynda ol óziniń anasyna jala jabylyp otyrǵanyn aıtty, dep jazady Qamshy.kz aqparat agenttigi. 

28 shildede Ózbekstan Bas prokýratýrasy Karımovanyń qamaýda ekenin habarlaǵan. Prokýratýranyń aqparaty boıynsha, 2015 jyly tamyzda Tashkent oblystyq qylmystyq ister soty Karımovanyń bas erkindigin bes jylǵa shektegen. 

Kishi Islam Karımov óziniń anasyna qatysty barlyq málimdemelerdi «burmalanǵan, qoldan jasalǵan» dep otyr.

Burynǵy prezıdent jıeniniń sózinshe, anasyna telingen aktıvter (iste 2 mıllıard dollar kóleminde qarjy jymqyrǵany aıtylady) shyn máninde Gúlnara Karımovaǵa tıesili  emes. Ol Ózbekstan bıliginde áli kúnge deıin otyrǵan adamdardyń kópshiliginiń baılyǵy.

Karımovanyń uly BBC-ge 3 shildede  anasynyń túrmege aýystyrylǵany týraly habarlamany 1 tamyz kúni alǵanyn aıtady. Bul qujattyń rastyǵyn anyqtaý múmkin bolmaı tur.

Pikir qaldyrý

Qatysty Maqalalar