Taıland turǵynyn patshaǵa til tıgizgeni úshin 18 jylǵa bostandyǵynan aıyrdy

/uploads/thumbnail/20170809161719801_small.jpg

Taıland azamatyn patshaǵa til tıgizgeni úshin 18 jylǵa bas bostandyǵynan aıyrdy dep habarlaıdy Reıters-ke silteme berip Qamshy.kz aqparat agenttigi. 61 jastaǵy Tara esimdi taılandtyq 2015 jyly óziniń áleýmettik jelidegi paraqshasyna bılikke, monarhıaǵa qarsy dóreki sózderi bar vıdeo jarıalaǵan soń ustalǵan bolatyn.

Bul is Bangkok áskerı sotynda qaralǵan bolatyn. Nátıjesinde Tara patshaǵa til tıgizgeni úshin 15 jylǵa, ınternetti qylmystyq maqsatta paıdalanǵany úshin taǵy 5 jylǵa jazaǵa tartyldy. Jazanyń eki jylyn ótegen aıyptalýshynyń endi taǵy 18 jyly qalǵan. Aıyptalýshy óz kinásin moıyndaǵan.

Aıta keteıik, 2017 jyly taǵy bir taılandtyq koróldik otbasyǵa til tıgizgeni úshin 35 jylǵa sottalǵan. Qazirgi ýaqytta osyndaı aıyppen 100 shaqty adam sottalyp, jazalaryn óteýde.

Pikir qaldyrý

Qatysty Maqalalar