Quzyrly organdar óner ıelerine salynatyn tabys salyǵyna jiti mán bermek. Alaıda, bul qadam ánshiler qaýymy narazylyǵyn týdyryp otyr dep habarlaıdy "Almaty" arnasy.

Shoý-bızneste qomaqty qarjy taýyp júrgen ánshiniń biri Aıqyn Tólepbergen, Forbs basylymynyń esebinshe jylyna 700 myń, al óziniń aıtýynsha 350 myń dollar kóleminde tabys tabady. Salyq tóleýshi retinde tirkelgenine úsh jyl bolǵan. Biraq osy aralyqta memleketke tólegen salyǵy 100 myń teńge ǵana. Tólengen salyq tabys kólemine múldem sáıkespeıdi eken.

"Men úsh jyldaı boldy salyq tólep tirkelgenime. Jeke kásipkerligim bar. Eger osy jeke kásipkerlikten aqsha ótetin bolsa onda mindetti túrde tóleımin", - dedi ánshi Aıqyn Tólepbergen.

Ánshilerdiń barlyǵy jeke kásipker retinde tirkelýi tıis degen zań burynnan bar. Biraq ony júzege asyrý bıyldan bastap qatań túrde baqylanbaq.

Zańǵa qulaq aspaǵandarǵa qoldanylatyn sharanyń salmaǵyda aýyr. Ondaı jaǵdaıda ánshilerdiń esep shoty jabylyp, múligi shektelmek.

Óner adamdary bul zańdy "mádenıetti órkendetýge balta shabý" dep sanaıdy.

"Qazir endi toı-tomalaqta óleń aıtyp júrgennen keıin olardan bir nárse alýdyń ózi uıat. Bet-aldy kelip esh kómektespesten aqsha ber dep qınaýdyń ózi essiz tirlik dep oılaımyn", - deıdi ánshi Nurlan Espanov.

Eldegi ánshilerdiń kóbi qomaqty tabys tapqanmen, onyń negizgi bóligi toıdan túsedi. Ári alys-beristiń 90 paıyzy esep-shot arqyly emes, qolma-qol arqyly júzege asyrylady. Sondyqtan qansha jerden ánshi, ártisterdiń tabysy qatań baqylanady degenmen, shyndyǵynda ol isti júzege asyrý salyqshylar úshin qıyn bolmaq.

"Ánshilerimizdiń tabysy bir jylda 250 myńnan astatyn bolsa, onda jeke kásipker nemese zańdy tulǵa retinde tirkelýi mindetti. Sondyqtan ákimshilik hattama toltyrylmasyn dese osy mindettemeni oryndaǵandary durys", - dedi Almaty qalalyq salyq departamenti túsindirme basqarmasynyń basshysy Dáýren Nurǵojaev.

Derekkóz: "Almaty" arnasy