Kásipker jáne qoǵam belsendisi Damır Amanjolov qańtar oqıǵasyna qatysqannan keıin ómiri qalaı ózgergenin aıtty. Ol bul jaıynda Youtube jelisindegi Qamshyger jobasyna bergen suhabatynda málim etti.  

Damır Amanjolov qańtar oqıǵasynda adamdar men komersıalyq nysandardy qutqarýǵa belsendi túrde qatysyp, qalyń jurtshylyqqa tanylǵan bolatyn. Osy oqıǵadan keıin ol sherýge shyqqandarmen birge uzaq ýaqyt tergeýde boldy.

"Tergeý ýaqytynda jumys istemegendikten, bıznesim toqtap qaldy. Meni únemi jaýap alýǵa shaqyratyn. Sonyń saldarynan sýshı meıramhanalarynyń jelisi jabylyp, kompanıa aqsha joǵaltty. Ne isterimdi bilmeı, abdyrap qaldym" – dedi Damır Amanjolov. 

Kásipkerdiń aıtýynsha, qańtardan keıin keıin kópshiliktiń pikiri ekige jarylǵan. Bireýler ony qoldasa, bireýler bılikke satylǵan dep kúdiktengen.

"Meni UQK ǵa birneshe ret shaqyrdy, biraq men kelisim bermedim. Sol arqyly bıznes–forýmdar ótkizýimizge kedergi keltiretinin jasyrmaımyn" – dedi Damır Amanjolov. 

Sondaı–aq ol Bolat Ábilov, Muhtar Jákishev jáne Armanjan Baıtasovpen qarym–qatynasyna da toqtaldy. Qazaqtildi mamandardyń jetispeýshiligi men áskerdegi "dedovshına" jaıly da aıtty. Suhbattyń tolyq nusqasyn tómendegi silteme boıynsha kóre alasyzdar.