Úkimet otyrysynda premer-mınıstr orynbasary Qanat Bozymbaev jýrnalısterdiń sý tasqynyna baılanysty suraǵyna jaýap berdi. Tilshiler Bozymbaevtan "keler jyly sý tasqyny taǵy qaıtalansa, otstavkaǵa ketýge daıynsyz ba" dep suraǵan. 

"Qandaı suraq qoıylsa, sondaı jaýap alasyzdar. Suraqty durystap qoısańyzdar, men de durystap jaýap beremin. Haıp qýalaǵan suraq. "Kelesi jyly sý tasqyny bolsa, jumystan ketesiz be?" degen ne sóz? Kelesi jyly aýa temperatýrasy qandaı bolatyny, jaýyn-shashynnyń qandaı bolaryn kim boljaı alady? Mundaı boljam joq. Boldy. Ony eshkim aıta almaıdy. Tasqyn bola ma, bolmaı ma, ony Alladan suraý kerek", – deıdi Bozymbaev.

Sondaı-aq, ol sý tasqyny bolǵan jaǵdaıda shara qoldanbaı, úlken shyǵynǵa ushyrasa, qyzmetten ketýge daıyn ekenin aıtty.