بۇگىن ەلباسى نۇرسۇلتان نازاربايەۆ العىس ايتۋ كۇنىنە ارنالعان ءىس-شاراعا قاتىسىپ، بارشا قازاقستان حالقىن مەرەكەمەن قۇتتىقتادى، - دەپ حابارلايدى "قامشى" پورتالى.
«قادىرمەندى قاۋىم، سىزدەردى ەلىمىز العاش رەت وتكىزىپ وتىرعان العىس ايتۋ كۇنىمەن قۇتتىقتايمىن. اعىمداعى جىلدىڭ 14 قاڭتارىندا مەن 1 ناۋرىزدى العىس ايتۋ كۇنى دەپ بەلگىلەۋ تۋرالى جارلىققا قول قويدىم. بۇل مەيرامنىڭ تەرەڭ ماعىناسى مەن ءمانى بار. 1 ناۋرىز جالپى كوكتەمنىڭ ءبىرىنشى كۇنى، بارىمىزگە دە كوڭىلدى كۇن، قىستان شىققان كۇن. 1 ناۋرىز سان عاسىردان بەرى جالعاسىپ كەلە جاتقان ىزگىلىكتىڭ مەرەكەسى، ناۋرىز مەيرامى اتالىپ وتىلەتىن شۋاقتى ايدىڭ باسى»، - دەدى ەلباسى.
سونىمەن قاتار ق ر پرەزيدەنتى 1 ناۋرىز بىرلىگىمىزدىڭ باستاۋى بولعان قازاقستان حالقى اسسامبلەياسى، وتانىمىزدى كوركەيتۋ جولىندا بارلىق قازاقستاندىقتاردى ۇيىمداستىرىپ كەلە جاتقان ساياسي كۇش - «نۇر وتان» پارتياسىنىڭ قۇرىلعان كۇنى ەكەندىگىن اتاپ ءوتتى.
«قازاق حالقىنا العىسىن ءبىلدىرىپ جاتقان ءاربىر ۇلت وكىلدەرىنە بىزدە العىسىمىزدى ايتامىز. وسىنداي ۇلانعايىر جەردى، وسىنداي ەلدى بىزگە ميراس قىلىپ تاپسىرعان، قان توگىپ جەردى الىپ قالعان اتا-بابالارىمىزعا دا بۇگىن العىسىمىزدى ايتامىز»، - دەدى ن.نازاربايەۆ.
پىكىر قالدىرۋ