ۇلىستىڭ ۇلى كۇنى الماتى قالاسى مادەنيەت باسقارماسىنىڭ ۇيىمداستىرۋىمەن ومىربەك جولداسبەكوۆ اتىنداعى ستۋدەنتتەر سارايىندا الماتى قالاسىنىڭ 1000 جىلدىق مەرەيتويىنا ارنالعان «مىڭ جاساعان شاھار» اتتى حالىقارالىق اقىندار ايتىسى ءوتتى، - دەپ حابارلايدى «قامشى» پورتالى.
ايتىسقا رۇستەم قايىرتاي، يرانعايىپ كۇزەمبايەۆ، اسپانبەك شۇعاتايەۆ، نۇرلان مۋسايەۆ، ولجاس وتار، جانسايا مۋسينا، مەيىربەك سۇلتانحان جانە رەسپۋبليكامىزدىڭ، جاقىن شەتەل ەلدەردىڭ ايتىسكەر اقىندارى قاتىستى.
قازىلار القاسىنىڭ شەشىمىمەن «مىڭ جاساعان شاھار» اقىندار ايتىسىنىڭ باس جۇلدەسىن ايتىسكەر اقىن رۇستەم قايىرتاي جەڭىپ الدى. اقىنعا 2 ميلليون تەڭگەنىڭ سەرتيفيكاتى سىىيلاندى.
بۇدان بولەك، ۇيىمداستىرۋ القاسى ايتىسكەرلەرگە قۇنى 300 مىڭ تەڭگەلىك ءۇش 3-ورىن مەن 500 مىڭ تەڭگەلىك ەكى 2-ورىن، 1 ميلليون تەڭگەلىك ءبىر 1-ورىن جۇلدەلەرىن تابىس ەتتى.
ايتا كەتەيىك، يۋنەسكو باس كونفەرەنسياسىنىڭ 38ء-شى سەسسياسىنىڭ شەشىمىمەن، الماتى قالاسىنىڭ 1000 جىلدىعىن مەرەكەلەۋ رەسمي تۇردە يۋنەسكو-نىڭ 2016 جىلدىڭ مەرەيتويلىق جانە اتاۋلى داتالار كۇنتىزبەسىنە ەنگىزىلگەن بولاتىن.
ەرلان تولەۋباي
پىكىر قالدىرۋ