وزبەكستاننىڭ بۇرىنعى پرەزيدەنتى يسلام كاريموۆتىڭ ۇلكەن قىزى گۇلنارا كاريموۆانىڭ ۇلى كىشى يسلام كاريموۆ باس پروكۋراتۋرانى اناسىنا قاتىستى قىلمىستىق ءىستى قولدان جاساپ وتىر دەپ ايىپتادى. 1 تامىزدا يسلام كاريموۆ ۆۆس-گە بەرگەن سۇحباتىندا ول ءوزىنىڭ اناسىنا جالا جابىلىپ وتىرعانىن ايتتى، دەپ جازادى Qamshy.kz اقپارات اگەنتتىگى.
28 شىلدەدە وزبەكستان باس پروكۋراتۋراسى كاريموۆانىڭ قاماۋدا ەكەنىن حابارلاعان. پروكۋراتۋرانىڭ اقپاراتى بويىنشا، 2015 جىلى تامىزدا تاشكەنت وبلىستىق قىلمىستىق ىستەر سوتى كاريموۆانىڭ باس ەركىندىگىن بەس جىلعا شەكتەگەن.
كىشى يسلام كاريموۆ ءوزىنىڭ اناسىنا قاتىستى بارلىق مالىمدەمەلەردى «بۇرمالانعان، قولدان جاسالعان» دەپ وتىر.
بۇرىنعى پرەزيدەنت جيەنىنىڭ سوزىنشە، اناسىنا تەلىنگەن اكتيۆتەر (ىستە 2 ميلليارد دوللار كولەمىندە قارجى جىمقىرعانى ايتىلادى) شىن مانىندە گۇلنارا كاريموۆاعا تيەسىلى ەمەس. ول وزبەكستان بيلىگىندە ءالى كۇنگە دەيىن وتىرعان ادامداردىڭ كوپشىلىگىنىڭ بايلىعى.
كاريموۆانىڭ ۇلى BBC-گە 3 شىلدەدە اناسىنىڭ تۇرمەگە اۋىستىرىلعانى تۋرالى حابارلامانى 1 تامىز كۇنى العانىن ايتادى. بۇل قۇجاتتىڭ راستىعىن انىقتاۋ مۇمكىن بولماي تۇر.
پىكىر قالدىرۋ