«سپورتتىق الماتى» باعدارلاماسىنىڭ اياسىندا 100ء-شى ۆەلوشەرۋ ءوتتى

/uploads/thumbnail/20170803162441077_small.jpg

"سپورتتىق الماتى" باعدارلاماسىنىڭ اياسىندا وسى كۇنگە دەيىن مەگاپوليستە ۇيىمداستىرىلىپ كەلگەن ۆەلوشەرۋدىڭ تاريحىندا 100ء-شى مەرەيتويلىق جاپپاي ۆەلوشەرۋ ءوتتى، - دەپ حابارلايدى Qamshy.kz اقپارات اگەنتتىگى.

بۇگىن «سپورتتىق الماتى» باعدارلاماسى اياسىندا كەزەكتى ۆەلوشەرۋ ءوتتى. بۇل سپورتتىق ءىس-شارا الماتى شاھارىنداعى ۆەلوشەرۋلەردىڭ 100ء-سى بولعاندىقتان قاتىسۋشىلاردىڭ دا سانى كوپ بولدى.

500-دەن اسا بەلسەندى دەمالىستى قولداۋشىلار 12 شاقىرىمدى باعىندىرعان. ولار "نۇرلى تاۋ" بيزنەس ورتالىعىنان باستاۋ الىپ، ق ر ورتالىق مەملەكەتتىك مۋزەيىندە مارە سىزىعىن كەستى. 

كوپتەگەن سىيلىقتار ويناتىلدى، باستى سىيلىق رەتىندە ۆەلوسيپەد تىگىلدى. ۇيىمداستىرۋشىلار فلەشموب ازىرلەپ، لاتىنامەريكالىق اندەرگە بي بيلەدى. ۆەلوسيپەدتىڭ يەسى ءبىرىنشى رەت قاتىسىپ وتىرعان زاحير مۋللايەۆقا بۇيىردى.

"ءبىز دوسىمىز ەكەۋىمىز ۆەلوسيپەدتى ءجيى تەبەمىز، سالاۋاتتى ءومىر سالتىن قولدايمىز. بۇگىن ءبىرىنشى رەت ءقاتىسۋدىجون كورىپ، ويلاماعان جەردەن وسىنداي سىيلىققا يە بولدىم. وتە باقىتتىمىن. بۇلارىڭىز ءۇشىن ۇلكەن راقمەت. ەندىگىدە ءجيى قاتىسىپ تۇرامىن."، - دەدى مۋللايەۆ. 

الماتى قالاسى بويىنشا جوسپارلانعان 22 ۆەلوشەرۋدىڭ بۇل ون ءبىرىنشىسى ەكەن. "سپورتتىق الماتى" باعدارلاماسى جاپپاي سپورت ءتۇرىن دامىتۋعا، بەلسەندى سپورتتىق دەمالىستى ناسيحاتتاۋعا باعىتتالعان. 

پىكىر قالدىرۋ

قاتىستى ماقالالار