II بۋىنداعى ەلەكتربۋس الماتى تۇرعىندارى مەن قوناقتارىن باستاپقىدا تەگىن تاسىمالدايتىن بولادى، - دەپ حابارلايدى Qamshy.kz اقپارات اگەنتتىگى.
الماتىدا الەمدە بالاماسى جوق 18 مەترلىك ەلەكتروبۋس جۇرتشىلىققا تانىستىرىلدى. كولىكتى گەرمانيانىڭ Eurobus اۆتوكونسەرنى جاسادى. مۇنداي اۆتوبۋستاردىڭ تەك التاۋى جاساپ شىعارىلعان، ال التىنشىسى الماتىعا جەتكىزىلدى.
بۇگىن وسى مودەلدەگى اۆتوبۋستار ەۆروپانىڭ بەرلين، مادريد، وسلو، گامبۋرگ قالالارى مەن قوسا الماتىدا تەستىلىك سىناقتان وتكىزىلىپ جاتىر.
"اۆتوبۋستىڭ بۇل ءتۇرى جەڭىل بالقىتىلعان كاركاستان جاڭا تەحنولوگيا بويىنشا جاسالعان، سونىڭ ارقاسىندا سالماعى جەڭىل ءارى سەنىمدى، جاسالۋى دا تەز.18 مەترلى اۆتوبۋس ءارقايسىسى 200 دەن 500 كۆت/ساعات بولاتىن ءۇش اككۋمۋلياتورلارمەن جابدىقتالعان، ءبىر رەت زاريادتالعان سوڭ 300 كم جول جۇرەدى، ورتاشا ۋاقىتى سەگىز ساعات. تومەن ەدەندى اۆتوبۋس ۆيدەوباقىلاۋمەن، كونديسيونەرمەن، جىلىتۋ جۇيەسىمەن جابدىقتالعان، جولاۋشىلار ءۇشىن مۇندا بارلىق جاعدايلار جاسالعان ءارى ءتۇرلى وڭىردەگى كونتينەنتالدى كليماتقا ءتوزىمدى. وعان 120 جولاۋشى سيادى، سونىمەن قاتار مۇمكىندىگى شەكتەۋىل جاندار ءۇشىن كوتەرگىش تە بار. الماتىدا اۆتوبۋس قالا قوناقتارى مەن تۇرعىندارى ءۇشىن ءبىر تۋريستىك باعىتتا تەستىلىك كەستە بويىنشا جۇرەدى. اۆتوبۋس جەكە ينۆەستوردىڭ قارجىسىنا الىنعان"، - دەيدى قالا اكىمدىگىنىڭ باسپا ءسوز قىزمەتىنىنىڭ وكىلدەرى.
FalconEuroBus كومپانياسىنىڭ ديرەكتورى، الماتى ءماسليحاتىنىڭ دەپۋتاتى مۇرات ءادىلحانوۆتىڭ مالىمەتى بويىنشا، ەلەكتربۋس كەلەسى اپتادان باستاپ جولعا قويىلىپ، جولاۋشىلاردى تەگىن تاسىمالدايتىن بولادى. راسىمدەۋ پروسەدۋراسى اياقتالعاننان كەيىن جول ءجۇرۋ باعاسى 150 تەڭگەدەن قىمبات بولمايدى. وندا "وڭاي" جۇيەسى ورناتىلمايدى.
پىكىر قالدىرۋ