ەكسپو كورمەسىندە تۇركيا پاۆيلونى نەسىمەن تاڭقالدىرادى؟

/uploads/thumbnail/20170810120831180_small.jpg

2017 جىلعى 10 تامىز، بەيسەنبى كۇنى استانادا تۇركيا ۇلتتىق كۇنى اتالىپ وتەدى. بۇل كۇنى ەكسپو كورمەسىنىڭ اۋماعى قىزىل جانە اق تۇستەرگە بويالىپ، تۇرىك حالقىنىڭ باي مادەنيەتىنىڭ لەبى سەزىلەتىن بولادى دەپ حابارلايدى Qamshy.kz اقپارات اگەنتتىگى ەكسپو-2017 حالىقارالىق كورمەسىنىڭ مەديا-ورتالىعىنىڭ رەسمي سايتىنا سىلتەمە جاساي وتىرىپ.

تۇركيا ۇلتتىق كۇنىنىڭ سالتاناتتى اشىلۋ راسىمىنە تۇركيا رەسپۋبليكاسىنىڭ ەكونوميكا ءمينيسترى نيحات زەيبەكدجي مىرزا جانە قازاقستان رەسپۋبليكاسىنىڭ ينۆەستيسيالار جانە دامۋ ءمينيسترى قاسىمبەك جەڭىس ماحمۇد ۇلى قاتىسادى.

تۇركيا «استانا ەكسپو 2017» كورمەسىنىڭ داستۇرىنە اينالعان جانە بارلىق قاتىسۋشى مەملەكەتتەر ءۇشىن وتكىزىلەتىن ۇلتتىق كۇنگە قاتىسۋعا دايىن.

قازاقستان مەن باسقا دا قاتىسۋشى ەلدەر وكىلدەرىنىڭ قاتىسۋىمەن وتەتىن ءداستۇرلى تۇرىك تاڭعى اسىنان كەيىن ەكسپو ۇلتتىق ساحناسىندا ساعات 11.00-دە وتكىزىلەتىن اشىلۋ سالتاناتىمەن بىرگە، تۇركيا پاۆيلونىندا جانە جالپى ەكسپو كورمەسىندە ءتۇرلى ءىس-شارالار جالعاسىن تاباتىن بولادى. اشىلۋ سالتاناتىندا تۇركيا رەسپۋبليكاسى جانە قازاقستان رەسپۋبليكاسىنىڭ اتىنان قاتىسىپ وتىرعان مينيسترلەر، مەملەكەتتىك قىزمەتكەرلەر، باسقا ەلدەردىڭ وكىلدەرى، كاسىپكەرلەر جانە ب ا ق وكىلدەرى قاتىساتىن بولادى. ەكى ەلدىڭ ءانۇرانى ايتىلعاننان كەيىن، تۇركيا رەسپۋبليكاسىنىڭ ەكونوميكا ءمينيسترى نيحات زەيبەكدجي مىرزا جانە قازاقستان رەسپۋبليكاسىنىڭ ينۆەستيسيالار جانە دامۋ ءمينيسترى قاسىمبەك جەڭىس ماحمۇد ۇلى اشىلۋ سالتاناتىنا بايلانىستى ءسوز سويلەيتىن بولادى.

اشىلۋ سالتاناتىنان كەيىن، ۆەيسەل چەليكدەمير حالقىمىزدىڭ قۇندىلىقتارىن پاش ەتەتىن قۇم شوۋىمەن ساحنادا ونەر كورسەتەدى. ال، «اناتوليا وتتارى» بي توبى «حورون» ءبيىن بيلەپ، وسى ارقىلى اناتوليا حالقىنىڭ باي مادەنيەتى مەن كۇش-قۋاتىن كورسەتەتىن بولادى.

اشىلۋ سالتاناتىنىڭ سوڭىندا، «مەحتەران» تۇرىك اسكەري وركەستىرىنىڭ پارادى وتەدى. كورەرمەندەرگە مىڭداعان گۇل شوقتارى مەن تۇركيا جالاۋشالارى بەرىلىپ، ەكسپو كورمەسىنىڭ اۋماعى قىزىل جانە اق تۇستەرگە بويالادى.

كۇنى بويى وتەتىن وسى ءىس-شارالاردىڭ شەڭبەرىندە، Expo EnergyHall ساحناسىندا ساعات 17:00-دە تۇرىك ونەر مايتالماندارى قوناقتاردى ءوز ونەرلەرىمەن تامساندىراتىن بولادى. پروفەسسور ەرول پارلاك جانە سينان اييىلدىزدىڭ ورىنداۋىندا حالىق اندەرى شىرقالادى. اتالمىش ءىس-شارا قازاقستان تىڭدارماندارىنا تانىمال ءانشى بۋراكتىڭ كونسەرتىمەن جالعاساتىن بولادى.

Energy Hall ساحناسىنداعى كونسەرت، «اناتوليا وتتارى» بي توبىنىڭ كەرەمەت بيلەرىمەن ءتامامدالاتىن بولادى.

تاۋسىلمايتىن ەنەرگيا

«استانا ەكسپو 2017» ساحنالارى مەن اۋماعىنداعى كونسەرتتەردەن بولەك، تۇركيا پاۆيلونىندا دا ءبىرقاتار ءىس-شارالار وتكىزىلەدى. كەلگەن قوناقتار پاۆيلوننىڭ ىشىندە جانە سىرتىندا بولىپ جاتقان ءىس-شارالارعا قاتىسا الادى، سونداي-اق اسەر، بي جانە اندەرگە تولى ۇزاق ۋاقىت بويى ۇمىتىلمايتىن كۇن وتكىزىپ، تۇرىك قولونەر شەبەرلەرىنىڭ تۋىندىلارىمەن تانىسىپ، وسى كۇنگە وراي دايىندالعان سىيلىقتارعا يە بولىپ، تۇرىك ءدامدى تاعامدارىنان اۋىز تيەتىن بولادى.

تۇرىك ەكسپورتتاۋشىلارىنىڭ قولداۋىمەن قوناقتارعا جاڭعاقتار، كەپتىرىلگەن جەمىستەر، باكلاۆا، راحاتلۋكۋم، كامپيت، بالمۇزداق، ۇننان جاسالعان كونديتەرلىك ونىمدەر، اپەلسيننەن جاسالعان سۋسىندار، ماكارون ونىمدەرى، بۋلگۋر جانە ءزايتۇن مايى نەگىزىندەگى دايىندالعان تاعامدار ۇسىنىلادى.

وتە ۇلكەن توسىن سىي: جاۋجۇرەك ەرتۇعىرىل – تۇركيا پاۆيلونىندا...

شەتەلدە دە، قازاقستاندا دا كورەرمەندەردىڭ زور ىقىلاسىنا بولەنگەن «ەرتۇعرىل» تەلەحيكاياسىنىڭ تابىستى اكتەرلەرى نۋرەتتين سونمەز (بامسى بەيرەك)، دجەنگيز دجوشكۋن (تۋرگۋت الپ) جانە پروديۋسەر مەحمەت بوزداگ، تۇركيا پاۆيلونىنىڭ كورەرمەندەرىمەن كەزدەسىپ، ينتەرۆيۋ بارىسىندا كورەرمەندەردىڭ بارلىعىنا ءوز قولتاڭباسىن قالدىراتىن بولادى.

پىكىر قالدىرۋ

قاتىستى ماقالالار