«اتاجۇرتتى بەتكە الىپ كوش كەلەدى». جاقىندا عانا باسپادان شىققان بۇل كىتاپتىڭ اۆتورى -  راقىم ايىپ ۇلى. تاۋەلسىزدىك جىلدارىنان بەرى ەلگە ورالعان قانداستاردىڭ سانى 1 ميلليوننان استى. سودان بەرى دە «كوش ماسەلەسى» قازاق ءباسپاسوزىنىڭ باس تاقىرىبىنان تۇسكەن جوق. ءتىپتى، سوڭعى جىلدارى «قازاق كوشى» توقىراپ بارا جاتىر دەۋگە دە بولادى. ەگەر ەلباسى نۇرسۇلتان نازاربايەۆ «كوشى-قون» تۋرالى زاڭعا سوڭعى ەنگىزىلگەن تۇزەتۋلەر مەن وزگەرىستەرگە قول قويىپ جىبەرسە، قانداستارىمىزدىڭ مارتەبەسى ميگراسيا تولقىنىمەن كەلىپ-كەتىپ جاتقان كوشپەن  تەڭەسىپ، قازاقستان ازاماتتىعىن الۋ ءۇشىن 5 جىل ۋاقىت شەگىندە كۇتۋىنە تۋرا كەلەتىن بولادى. سوندا دەيمىز-اۋ، قازاقستان ازاماتتىعىن الۋ دۇنيەنى الاساپىرانعا تۇسىرگەن قيىن-قىستاۋ زاماندا الىس-جاقىن جۇرتتى مەكەندەپ قالعان اعايىن ءۇشىن  5 جىلعا كەيىنگە شەگەرىلسە، قالاي بولادى؟ قازاق دياسپوراسى جايلاعان ەلدىڭ زاڭ-زاكۇنى قانداي؟  ءبىز وسى جانە وزگەدە سۇراقتار توڭىرەگىندە  تاۋەلسىزدىكتىڭ العاشى جىلدارىنان بەرى كوش ماسەلەسىنە قالام تەربەپ كەلە جاتقان راقىم ايىپۇلىن  "اباي" پورتالىمەن بىرلەسە وتىرىپ، ينتەرنەت-كونفەرەنسياعا شاقىرىپ وتىرمىز. قويار سۇراقتارىڭىز، بولىسەر ويلارىڭىز بولسا، مارحابات!