استانا قالاسىندا شاحماتتان ءوتىپ جاتقان قازاقستان مەن الەم قۇراماسى اراسىنداعى كەزدەسۋدە تاعى ءبىر سەنساسيا تىركەلدى. ءبيبىسارا اساۋبايەۆا الەمنىڭ ۇزدىك شاحماتشىسىن قاتارىنان ەكىنشى رەت ۇتقان.
اساۋبايەۆا قىتايلىق شاحماتشى، الەمنىڭ ءتورت دۇركىن چەمپيونى حوۋ يفاندى ەكىنشى رەت جەڭدى. بۇل تۋرالى قازاقستان شاحمات فەدەراسياسىنىڭ رەسمي پاراقشاسى مالىمدەدى.
"ءبيبىسارا اساۋبايەۆا FIDE رەيتينگىندەگى ەڭ مىقتى شاحماتشى حوۋ يفاندى ەكىنشى رەت ۇتتى. العا، ءبيبىسارا!" – دەپ حابارلادى فەدەراسيانىڭ رەسمي پاراقشاسى.
ەسكە سالا كەتەيىك، استانادا شاحماتتان الەم چەمپيونى اتاعى ءۇشىن تالاس ءوتىپ جاتىر. وسىعان دەيىن قازاقستاندىق شاحماتشى ءبيبىسارا اساۋبايەۆا بليس شاحماتتان الەمنىڭ ەكى دۇركىن چەمپيونى اتانعان بولاتىن.
پىكىر قالدىرۋ