• USD 389.52
  • EUR 429.21
  • RUB 6.07
  • CNY 54.94
14 Желтоқсан, 02:56:30
Қазақстан Украинаның сауда нарығына алаңдаулы

17 Маусым, 2019 Саясат

Ұлттық кеңес: Марғұлан Сейсембай билікке үш шарт қойды

Марғұлан Сейсембай диалогқа қатысты өз ойын білдіріп, билік басындағыларға халықтың атынан шарт қойды.

Марғұлан Сейсембай диалогқа қатысты өз ойын білдіріп, билік басындағыларға халықтың атынан шарт қойды. Бұл туралы ол Facebook парақшасында жазды деп хабарлайды Qamshy.kz ақпарат агенттігі. 

"Достар,
бұл күндері мен "Ұлттық Қоғамдық Сенім Комиссиясы" туралы «мильон» хабарламалар мен пікірлерді тыңдап, оқып шықтым. Диалогқа қарсы адамдардан, және бәсекелестi жақтырмайтын адамдардан менiң басыма шелек-шелек компромат пен былғаныш төгiлдi. Мен өзiм ерекше құрметтейтін адамдардан кеңес сұрадым. Бұдан шығарған қорытындыларым:

1. Халық билікке және "ҰҚСК" кеңесiне сенбейді. Билік халықтың алдында өз сенім ресурсын толығымен жоғалтқан сыңайлы.
2. Халық кез келген "билікпен диалог" идеясына қосылатын, соны үгіттейтін адамдарды күдікпен қабылдайды.
3. Халық бәрін бірден болғанын қалайды.
4. Келіссөздер жүргізу мүмкіндігінің өзі қоғамды алаңдатып екi топқа бөледi.

- Мұндай жағдайда диалог жүргізу және алға жылжу мүмкін еместігін түсіне отырып,
- Биліктен бәрін бірден талап ету жағдайды одан әрі ушықтыратынын түсіне отырып,
- Жаңа президенттен оның құзыретiндегi заттарды ғана талап ету керектiгiн түсіне отырып мен мынандай шешімге келдім.

Мен олармен әр түрдегі диалог пен келіссөздердің форматына келісемін егер билік бірінші болып мынандай қадамдарға барса:

1. Интернет пен әлеуметтік желілерді бұғаттауды тоқтату.
2. Митингілер қатысушыларының барлығын абақтыдан босату.
3. Барлық саяси тұтқындарға рақымшылық жасап оларға бас бостандығын беру.

Билік осы үш жағдайды орындағаннан кейін ғана, саяси реформалар жолындағы одан әрі диалогты жалғастыруға болатын ең төменгі сенім деңгейі қалпына келтіріледі.

Осы шарттар орындалмаса, кез келген келіссөздер қоғам тұрғысынан аморальды болып саналады. Бұл бір жағынан ауызы жабылған, қол-аяғы байланған, басына тапанша тақалған адаммен жүргізілетін келіссөздерге көбірек ұқсайды.

Мен әлі де диалог пен келіссөздерді қолдаймын, бірақ жоғарыда келтірілген шарттар орындалып, ең төменгі сенім деңгейі қалпына келтіргеннен кейін ғана. Егер бұл шарттар орындалмаса, мені қандай да бір кеңестер мен комиссияларға шақырмауды сұраймын, менiң оған еш бiр көмегiм болмайды.",- делінген жазбада.

Халықтың сөзін сөйлеп, мұң-мұқтажын мінбедегілерге жеткіземін деп жүр ағамыз. 

Естеріңізге сала кетсек, жақында ғана Президент Қасым-Жомарт Тоқаев халықпен диалог жүргізуге дайын екендігін айтып, Ұлттық кеңес құратынын мәлімдеген.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір