Өрттің салдарынан 23 адам қайтыс болды (видео)

Жапонияның Киото қаласында болған өрттен 23 адам қаза тауып, ондаған адам жарақат алды деп жазады Qamshy.kz ақпарат агенттігі ВВС сайтына сілтеме жасай отырып. 

Полиция қызметкерлері 41-жастағы күдіктіні ұстады. Оқиға болған күні ол ғимаратта болған. Алапат өрт тудыру үшін күдікті студия ішіне жанармай шашқан көрінеді.

Оқыс оқиға қалай болды?

Бейсенбі күні, жергілікті уақыт бойынша сағат 10:30-да үш қабатты ғимаратта өрт болды. Құтқару жұмыстары әлі де жалғасуда. Жергілікті БАҚ-тың айтуынша, полиция қызметкерлері оқиға орнында пышақ тауып алған.

Қазіргі таңда күдіктінің компаниямен қандай қарым-қатынасы болуы мүмкін екені анықталып жатыр.