Атамбаевтың қорғаушысы: Бұл басынан жоспарланған сценарий ғой

Атамбаевтың тергеу изоляторындағы суреті желіде пайда болды деп хабарлайды Qamshy.kz ақпарат агенттігі 24.kg сайтына сілтеме жасап. 

Суретте Қырғызстанның экс-президенті толықтай және профильді түрде түсірілген. Алмазбек Атамбаевқа сыбайлас жемқорлық ісі бойынша ресми айып тағылғаны туралы хабарланған. Бұл туралы порталға оның адвокаты Сергей Слесарев хабарлады.

Оның айтуынша, Ішкі істер министрлігінің тергеушісі Азиз Батукаевты заңсыз босатқаны туралы қылмыстық іс қозғаған.

"Айып негізсіз тағылып отыр. Менің қорғалушымды куәгер ретінде шақырып, бірақ әлі тергемеген болса, қалайша айып негізді болуы мүмкін? Оған бірден күдікті ретінде хабарлама берген. Бұл басынан жоспарланған сценарий ғой. Бұл әрекеттер заңсыз, себебі Атамбаевта экс-басшы ретінде тиіспеушілік құқығы бар", - дейді Сергей Слесарев.

Заңгердің сөзінше, Атамбаевқа басқа да айыптар тағылуы мүмкін бе жоқ па, әлі белгісіз.