• USD 389.52
  • EUR 429.21
  • RUB 6.07
  • CNY 54.94
07 Желтоқсан, 04:50:43
Қазақстан Украинаның сауда нарығына алаңдаулы

11 Қараша, 2019 NEWS

Алматыда тұрғын үйде газ жарылды

Алматыда үш қабатты жекеменшік үйде газ жарылып, 3 адам ауыр жарақат алды, – деп Qamshy.kz ақпарат агенттігі хабарлайды.

"ҚазТрансГаз Аймақ" АҚ баспасөз қызметінің мәлімдеуінше, Первомайка ауылындағы Постышев, 64 "В" мекенжайында барак типтес 3 қабатты жекеменшік үйде жарылыс болды. Онда жалдамалы бөлмелерде 12 отбасы тұрып жатқан.

Оқиға орнына жеткен апаттық-диспетчерлік қызметтің хабарлауынша, жарылыс бірінші қабаттағы №3 пәтерде орын алған. Сондай-ақ қатты дүмпу үйдегі есік-терезені, ішкі қабырғаларды қиратқан.

"36 жастағы ер адамның денесін 100 пайыз күйік (3-дәрежелі) шалған. Ол жасанды тыныс алу аппаратына қосылған. Науқастың жағдайы өте ауыр. 19 жастағы қыздың денесінің 85 пайызын күйік (3-дәрежелі) шалған. Жағдайы өте ауыр. 23 жастағы жігіттің беті, аяқ-қолдары күйген (1-дәрежелі). Денесінің 22 пайызы зақымданған. Бұл пациенттің де жағдайы өте ауыр", –  дейді басқарманың баспасөз қызметі.

Мамандардың айтуынша, үйдегі газ қазандығы қирамаған. 

Ал қалалық Қоғамдық денсаулық сақтау басқармасының ақпаратына сүйенсек, жедел жәрдем бригадасы №4 ауруханаға 3 пациентті жеткізді. Үшеуі да қазір жансақтау бөлімінде жатыр.

Ілмек сөздер: Алматы газ жарылды

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір