Wi-Fi желісінің қаупі қандай?

"Цифровые платформы" автоном коммерциялық емес ұйымының бас директоры Арсений Щельцин "Прайм" агенттігіне берген сұхбатында адамға Wi-Fi желісінің қаупі бар екенін айтты. 

Сарапшының сөзінше, Wi-Fi роутерге зиянды бағдарламалар немесе қосымшаларды жүктеуге болады. Осылайша, хакерлер сайтты айырбастап, жеке мәліметтерді және логинді, парольді оқи алады.

Сондай-ақ хакер роутер-гаджеттегі белгілі бір контентті іске қоса алады. Мысалы, интернеттегі парақшаны мемлекеттік қызметтер немесе кез келген басқа сайтқа ауыстыруға болады. Пайдаланушы осындай сайтқа өз дербес деректерін енгізген сәтте оның жеке мәліметтері хакердің қолына түседі.