Атыраулық үш боксшы жол апатынан қайтыс болды

Қазақстанның бокс федерациясы Атырау облысында үш боксшының көлік апатынан қайтыс болғанын хабарлады.

"Атырау боксында орны толмас, ауыр қаза. Үш бірдей болашағынан үміт күттірер жас боксшыларымыз, облыс құрамасының мүшелері Еламан Рахметолла, Нұркен Нұрымов және Сұңқар Тельманов жол апатына ұшырап, мезгілсіз қаза болды. Атырау бокс федерациясы марқұмдардың туыстарының қайғысына ортақтасып, көңіл айтады" делінген федераци таратқан хабарламада.

Боксшылардың үшеуі де 2000 жылы туған. Жол апатының анық-қанығы анықталып жатыр.