Илья Ильин жаңа қызметке тағайындалды

Ауыр атлетикадан төрт дүркін әлем чемпионы Илья Ильин "Ұлттық ғылыми-практикалық дене тәрбиесі орталығының" бас ғылыми қызметкері лауазымына тағайындалды. Бұл туралы спортшы instagram парақшасында хабарлады.

"Олимпиада ойындарының екі дүркін чемпионы, әлемнің төрт дүркін чемпионы және Қазақстанның еңбек сіңірген спорт шебері, дене шынықтыру және спорт мамандығы бойынша философия докторы (PHD) Ильин Илья Александрович білім және ғылым министрлігі "Ұлттық ғылыми-практикалық дене тәрбиесі орталығының" РМҚК дене шынықтыру саласындағы ғылыми зерттеу жұмыстары зертханасының бас ғылыми қызметкері лауазымына тағайындалды" деп жазды ол парақшасында.