"Ақпан айында Мамай қаңтарда жанармай бағасының өсуіне қарсы демонстрацияға шығып, қазақстандық күштік құрылымдардың қолынан қаза тапқан демонстранттарды еске алу мақсатында рұқсат етілмеген митингті ұйымдастырғаны үшін 15 тәулікке қамалған. 12 наурызда бостандықа шығуы керек болған Мамай оның орнына жаңа қылмыстық айып бойынша 14 наурызда сот шешімімен екі айға қамауға алынды. Ол құқыққорғау органы қызметкерін қорлады, "жалған ақпарат" таратты деп айыпталып отыр. Егер сотталатын болса, үш жылға бас бостандығынан айрылу қаупі төніп тұр" деген ұйым өкілі Светлана Воробьева бұл айыптауларға Қазақстан билігі өзін сынаушылардың үнін өшіру үшін жиі жүгінетін заңдар негіз болып отырғанын айтқан.
Фото: Данияр Мусиров/vlast.kz
Құқыққорғау саласындағы беделді халықаралық Amnesty International ұйымы Қазақстан президенті Қ.Тоқаевты тіркелмеген оппозициялық "Демократиялық партия" жетекшісі Жанболат Мамайды бостандыққа шығарып, оған тағылған айыпты алып тастауға шақырды.
"Құрметті президент мырза, сізден Жанболат Мамайды дереу бостандыққа шығарып, оған тағылған барлық айыпты алып тастауға жеткілікті боларлықтай шара қабылдауды сұраймын. Мені 14 наурыз күні Мамайды оның сыни ойлары мен тіркелмеген оппозициялық партияға жетекшілік еткені үшін саяси астары бар жаза ретінде қамағаны, үстінен қылмыстық іс қозғағаны алаңдатады. Жанболат Мамайды дереу босатуды, оны өзінің ойын еркін жеткізу, еркін жиын өткізу құқығына байланысты негізсіз қудалауды тоқтатуға шақырамын" делінген ұйымның президент Тоқаевқа бағытталған үндеуінде.
Бұған дейін Адам құқығы жөніндегі тағы бір халықаралық Human Rights Watch ұйымы Жанболат Мамайдың екі қылмыстық іс бойынша қамауда отырғанына байланысты Қазақстан билігін өздерінің мәлімдемелеріне қарсы әрекет етіп отыр деп сынаған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір