• USD 476.89

  • EUR 462.2

  • RUB 8.31

  • CNY 66.64

30 Қыркүйек, 18:47:58
Алматы
+9°

Шығыс Қазақстан облысы төтенше жағдайлар департаменті Күршім ауданындағы Марқакөл орман шаруашылығы аумағында орман өрті әлі сөндірілмегенін мәлімдеді, деп хабарлады Алтайньюс.

Қазір өрттің алдын ала аумағы 1 300 га құрайды. Жақын орналасқан елді мекендерге қауіп төніп тұрған жоқ. 

Өртті сөндірушілерге тау бедерлері мен ауа райы қиындық тудыруда. Сондықтан "МИ-8" және "Еврокоптер" тікұшақтары тартылған. Бүгін өрт болған жерге суағар құрылғысы бар ҚР ТЖМ Қазавиақұтқару МИ-171 тікұшағы қосымша көмекке келмек.

"Алтай ауданында Зырян орман шаруашылығы өртенді. Тілсіз жаудың алдын ала аумағы - 800 гектарды құрайды. Өртті ауыздықтау үшін суағар құрылғысы бар МИ-8 тікұшағы,  200-ге жуық адам мен 29 техника жұмылдырылды. Елді мекендерге қауіп жоқ. Бүгін өрт болған жерге Семей қаласының №68303 әскери бөлімінің суағар құрылғысы бар ҚР Қорғаныс министрлігінің МИ-17 тікұшағы, жеке құрамның 50 адамы және 4 бірлік техникасы көмекке қосымша келеді", - деді ШҚО ТЖД баспасөз қызметі.

Катонқарағай ауданында Алтынбел ауылынан 12 шақырым жердегі Ново-Березовка орманшылығының аумағы өртенуде. Өрттің алдын ала ауданы 1200 Га.
 
"Глубокое ауданындағы Каменный карьер ауылында да өрт сөндіру жұмыстары жалғасуда. Өрт сөндірушілердің жұмысын тау бедерлері қиындатып тұр. Таудың биіктігі шамамен 800 метр. Тұрғындарға төнген қауіп сейілді. Бүгін сағат 08.52 шамасында 60 га алаңдағы өрт ауыздықталды. Тілсіз жауды ауыздықтауға ШҚО ТЖД, полиция, ЖАО-ның 70 адамы мен 15 техникасы жұмылдырылды. Тарханка ауылындағы өрт кеше толығымен жойылды", - деп түсіндірді ТЖД.
"Қамшы" сілтейді
Ілмек сөздер: ШҚО Орман өрті

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір