22 Желтоқсан, 2022 NEWS
Көрнекі сурет
Ақпарат және қоғамдық даму министрлігі әзірлеген Үкімет қаулысының жобасына сай, енді "Хабар" агенттігін "Самұрық-Қазына" ұлттық әл-ауқат қоры қаржыландыратын болады деп жазады informburo.kz порталы.
Қаулы жобасының түсіндірме жазбасына сәйкес, бастама "Хабар" агенттігінің рейтингін көтеруге, мемлекеттік ақпараттық саясатты іске асыру сапасын арттыру үшін жасалып отыр.
Сондай-ақ, агенттіктің коммерциялық кірісі де артады деп болжам жасалған.
"2022 жылғы 13 сәуірдегі № 22-2314 бұрыштамаға сәйкес ҚР президенті "Самұрық-Қазына" ұлттық әл-ауқат қоры" акционерлік қоғамының "Хабар" агенттігі" акционерлік қоғамын қаржыландыруына келісімін береді" делінген қаулы жобасының түсіндірме жазбасында.
Қаулы жобасы Ашық НҚА порталында 2023 жылғы 9 қаңтарға дейін қоғам талқысына ұсынылған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір