Үндістанның солтүстігіндегі Уттар-Прадеш штатының Хатрас ауданында діни жиынға жиналғандар қысылып, салдарынан 121 адам қаза тапты, деп хабарлады Reuters агенттігі.
Жергілікті полиция дерегінше, жиын орнына келушілер саны рұхсат етілген сыйымдылықтан үш есе көп болған. Полиция жиынға 80 мың адамның келуіне рұхсат еткен. Іс жүзінде діни жиынға 250 мыңға жуық адам келген.
Хаос Сураджпал жамағатының «Бхоле Баба» деп танылған уағыздаушысы көлігімен кеткен кезде басталған. Жамағат өкілдері көлік артынан жүгіріп, бірін-бірі таптап, салдарынан 108 әйел 7 бала, 6 ер адам қаза тапқан. 28 адам жараланған.
Пікір қалдыру
пікір