• USD 383.43
  • EUR 429.83
  • RUB 5.96
  • CNY 55.39

04 Маусым, 2019 Әлеумет

Журналист: Қазақтың талай жастарын митингке шығармай отырған - солар

Егер қоғамдағы протестік күштердің бір бөлігі дәл өстіп мешіт жағалап кетпесе, олар қазір көшеде митинг жасап шулатып жүретін еді.

–Билік мешіттерге рахмет айтсын: қазақтың талай жастарын митингке шығармай отырған – солар, - дейді facebook-тегі белсенді журналист Жолымбет Мәкіш деп хабарлайды Qamshy.kz ақпарат агенттігі zakon.kz сайтына сілтеме жасап.

"Жастардың жаппай мешіт жағалап кетіп жатқаны дұрыс емес. Бұл өте қауіпті құбылыс. Дүмшеленудің басы. Ешбір адам мешітке иманы тасыған соң бармайды. Олар мешітке тұрмысын оңалту үшін барады. Егер биліктегілер солардың Алладан сұрағанын тауып бере алса, мешітке баратын адам таппай қалатын едің", деген сыңайда пост жазған "бір ағасына" жауап берген Жолымбет Мәкіш мешіт жағалаған адамның жаман болмайтынын айтып тастапты.

Қайта адамдардың мешітке барып жатқанына билік те, имамдар да қуануы керек,- дейді журналист. 

"Аға, қазір заман басқа ғой. Қоғамда діни ренессанс басталды. Жұрт жоғалтқанын іздеп жатыр. Мешітке көбі тұрмысын түзеу үшін емес, иманын түгендеп, дінге бет бұрғаннан кейін бара бастады. Оған дүмшеленудің басы деп баға берген дұрыс емес шығар. Қоғамдағы арсыздықтан, дінсіздіктен жалығып, мешітке құдайды іздеп, жанына тыныштық іздеп келіп жатқандар да көп. Сосын, адамдардың мешітке барып жатқанына билік те, имамдар да қуануы керек сияқты қайта. Бұларда да ішкі протест бар. Адам сәждеге бостан-босқа жығыла салмайды ғой. Бірақ бұлар енді қайтып ешқашан билікке қарсы шықпайды. Егер қоғамдағы протестік күштердің бір бөлігі дәл өстіп мешіт жағалап кетпесе, олар қазір көшеде митинг жасап шулатып жүретін еді. Бір жақты баға бермей, бұл мәселеге әртүрлі ракурстан қараған да дұрыс қой. Мешіт жағалаған адамның жаман болғанын көрген жоқпын, осы уақытқа дейін", – делінеді журналистің жазбасында.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

0 пікір