• USD 378.65
  • EUR 430.07
  • RUB 6
  • CNY 55.1
21 Шілде, 15:29:27
"НЛО" деген жарықтық не болып шықты?(видео)

13 Маусым, 2019 Айтты-ей, бауырың!

Қайрат Жолдыбайұлы: Тоқаевтан шұғыл түбегейлі реформаны талап етейік

Ары қарай Тоқаевтан батыл да, шұғыл түбегейлі реформаны талап етейік. Соны жазайық, соны айтайық. Соны жеткізейік. Сөзі өтетін атақты тұлғалар, әйгілі өнер адамдары сарайды мадақтағанды қойып, осы бағытта жұмыла жұмыс істеуі керек.

Кейбір тілмарлар халыққа басу айтып, сабырлыққа шақырған болып жатыр. Сөздің де, мінездің де әділі болады. Әділдік тек сотқа ғана қатысты дүние емес. Өміріміздің әр сәті, ойымыздың әр түйіні, іс-әрекетіміздің бәрі әділдікті талап етеді. Құранда күнде қайталайтын тура жол дегеніміз осы міне! Халықты сабырлыққа шақырады екенсіздер, онда әділ болып, биліктің осы уақытқа дейін жасап келген былығын да, барлық саланы жайлаған жемқорлықты да қоса айтыңдар. Талан-таражға түскен байлығымызды айтыңдар. Тоз-тоз болып кеткен ауылдағы, қаладағы қазақтың мүшкіл жағдайын айтыңдар. Сайлауда мұғалімдерді маймылға айналдарған әділетсіз жүйені айтыңдар! Жазықсыздан қамалғандардың босатылуын талап етіңдер! Шенеуніктер мен ығай-сығайлардың қазақ тіліне пысқырмай, жаппай орысша шүлдірлегенін айтыңдар. Күннен күнге орыстанып бара жатқанымызды, қытайдың ықпалына түсіп бара жатқанымызды айтыңдар. Сонда сендердің сөздерің өтімді болады. Сонда әділ сөздерің үшін ел сабырға келіп, билік өз сабағын алар. Әйтпесе әр сөздеріңді тапсырыспен яки ұпай жинау үшін жазып, айтатындарыңды халық көріп тұр. Өздеріңді ғана жексұрын етпей, діннің де қадірін кетірмеңдер. Дін ең әуелі шынайылық пен әділдікті бұйыратынын ұмытпаңдар! Ал бұлай сөздің әділін айта алмасаңдар, данышпансымай, қызыл тілге салып, тілмарланбай тыныш отырыңдар! 

P.S.S. Қосановтың өзіне сенген халықты алдап кеткенін көрдік. Мен Қосановқа дауыс бермесем де халықпен бірге алданып қалғандай күйге түстім. Халық оған кінәлі емес. Халық шынымен өзгерісті қалады. Қосановтың орнына басқа біреу болғанда, соған дауыс берер еді. Болар нәрсе болды. Енді көтеріліс жасап, өзі ұтылдым, жеңілдім деп тұрған адамды күштеп апарып таққа отырғызбайтынымыз да түсінікті. Халық қан төгісті емес, тыныштықты қалайды. Кешегі жағдайдан кейін билік халықтың реніші мен талабын ұқты деп ойлаймын. Ары қарай Тоқаевтан батыл да, шұғыл түбегейлі реформаны талап етейік. Соны жазайық, соны айтайық. Соны жеткізейік. Сөзі өтетін атақты тұлғалар, әйгілі өнер адамдары сарайды мадақтағанды қойып, осы бағытта жұмыла жұмыс істеуі керек. Тәуелсіздігімізді баянды ететін, ұлтымыздың мерейін үстем ететін, халқымыздың әл-ауқытын жақсартатын реформа керек. Полиция, КНБ мемлекеті емес, құқықтық мемлекет жасауын талап етейік. Тоқаев қазір қалай болғанда да тарихи аманатты арқалап алған тұлға. Егер ол алдамшы пиар-шоуларды қойып, шұғыл түрде түбегейлі реформа жасамаса, халықты ешкім тоқтата алмайды.

Қайрат Жолдыбайұлының фейсбук парақшасынан алынды

Қате тапсаңыз, қажетті бөлікті таңдап ctrl+enter басыңыз.

Пікір қалдыру

14 пікір

Манарбек 14 Маусым, 2019

Ассалаумалейкум Қайрат Жолдыбайұлы!Өте әділ және шынайы баға бердіңіз!Алла сізге разы болсын!Қазіргі жағдайда немқұрайдылық таныту-ұлттың болашағын ,келешек ұрпақ тағдырының тамырын балтамен шапқандай!Алла сізге Берекет берсін!

АЖАР 14 Маусым, 2019

Алла разы болсын сизге.

Бүрлен Әнуарқызы 14 Маусым, 2019

Өте дұрыс айтылған. Өткен іске өкінгенмен ештеңе өнбейді. Мейлі күні-түні жазып, алаңға күнде шықсақтақ Тоқаевті ешкім алып тастамайтыны анық. Алда тек Қазақ елінің, халқының әл- ауқатын жақсартып, халықпен санасатын өзгерісті талап етіп, игілігі бар реформа талап ету керек. Ешкімге керегі жоқ бағдарламалар мен нәтижесіз жарнама болып, елдің бар қаражатын құртатын жолдауларды, қыруар шығын әкелетін тек биліктегілердің абыройы үшін жасалатын жобаларды жоюды сұрау керек

Еркін 14 Маусым, 2019

Ассаламалекум Ағайындар, 100,% қосылам

Асқар 14 Маусым, 2019

Ассаламуаляйкум уа рахматуллахи уа баракатух! Аллаһ сізге разы болсын. Айтуыңыздың бәрі орынды. Бізге қай басшы болса да, ең бастысы еліміз тыныш болып, дінімізде Аллаһ Тағала бұйырғандай мектеп жасында балиғатқа толған қыз балаларымызға кимешек тағуға рұқсат етулерін сұраймыз. Балиғат жасы 18жастан емес. Оны өзіңіз білесіз ғой. Әр мешітте имамдар мен жамағат еліміздің және ел басшыларымыздың аман болуын Аллаһтан тілейді. Олардың да бізге оң көзбен қарауларын өтінеміз!