• USD 468.56

  • EUR 497.56

  • RUB 7.3

  • CNY 67.18

08 Мамыр, 20:32:52
Алматы
+35°

17 Шілде, 2019 Саясат

Мұрат Әбенов: Кеңестің жұмысы саяси мәселелермен ғана шектелмеуі керек

Әбеновтың айтуынша, "белсенді азаматтардың ой-пікірі мемлекеттік органдар тарапынан ескерілмей,  қазір көптеген өзекті мәселелер тек әлеуметтік желіде ғана айтылып қана қояды".

Қоғам қайраткері Мұрат Әбенов орталық коммуникациялар орталығында өткен брфинг барысында "Ұлттық қоғамдық кеңестің жұмысы саяси мәселелермен ғана шектелмеу керек" деген пікірін айтты деп жазады Qamshy.kz ақпарат агенттігі. 

"Кеңестің құрылуының қажеттігін бәріміз түсініп отырмыз. Жаңа ғана кеңестің құрамын қарап шықтым. Маған әр түрлі саладан, әр түрлі саяси партиялардан өкілдер бар болғаны ұнады. Менің ойымша, бұл ұйым анда-санда, 2-3 айда бір рет ресми жиын өткізетін ресми жолдан тартынып, қоғамдағы ең өзекті мәселелерді талқылайтын алаң болуы керек. Кеңестің жұмыс төңірегінде тек қана саяси мәселелер емес, әлеуметтік мәселелер де талқыланатыны ұнады. Бұл бізге мемлекеттік бағдарламаларды сараптап, талдап, ұсыныс беріп, кемшіліктер болса бірден айтып, проблеманың ушығып, күшейіп кетуіне жол бермей, дер кезінде дұрыс ұсыныстар жасауға мүмкіндік береді", - деді қоғам қайраткері.

Әбеновтың айтуынша, "белсенді азаматтардың ой-пікірі мемлекеттік органдар тарапынан ескерілмей,  қазір көптеген өзекті мәселелер тек әлеуметтік желіде ғана айтылып қана қояды".

"Қазір біздің азаматтар өте белсенді. Бірақ, өкінішке орай, мемлекеттің органдарының басшыларымен тікелей байланыс жасауға көбінің мүмкіндігі жоқ. Кейбір министрлік ашық, жариялы түрде жұмыс істесе, кейбір мемлекеттік органдардың басшылары жабық жұмыс жүргізеді. Менің ойымша, кеңес мүшелері ел алдындағы жауапкершілігін түсіне отырып, осы кеңестің өкілеттілігін пайдаланып, өз салалары бойынша көптеген күрделі мәселелердің тиімді шешілуіне атсалысуы керек.

Көп азаматтар мәселелерін қайда айтарын білмей, әлеуметтік желімен шектеліп жүрген еді. Мемлекеттік бағдарламалардың тиімсіздігін мемлекет басшысы да сынады. Көбінесе бағдарламаларды талқылау жабық түрде, министрлік жанында ғана өтеді. Сондықтан, оған қатысты сын әлеуметтік желі деңейінде ғана қалып келді. Қоғамдық кеңестердің жұмысында бұл қарастырылғанымен, олардың министрлік жанынан құрылғанын ұмытпау керек. Бұл кеңес тек мәселелерді талқылап қана қоймай, елдегі пікірталасты талдайтын болады", -деді Әбенов.

Қоғам қайраткері Мұрат Әбенов бүгін Қазақстан президенті Қасым-Жомарт Тоқаев бекіткен  Ұлттық қоғамдық сенім кеңесінің құрамында бар. 

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір