Құрық ауылында шағын футбол алаңы ашылды

- «Елбасы Қазақстан Республикасының Тұңғыш Президенті Н. Ә. Назарбаев Қазақстан халқына арнаған Жолдауында,: "Жергілікті атқарушы органдарға, халықтың дене шынықтырумен және спортпен жаппай айналысуы үшін спорттық инфрақұрылымдардың қолжетімділігін кеңейту туралы мәселені шешуді тапсырамын деген болатын. Бүгінде біз осы тапсырманы орындау мақсатында жұмыстар жасап келеміз. Міне, бүгінгі шағын футбол алаңы спорт сүйер қауымға арналады» - дейді cпорт алаңының ашылуында сөз сөйлеген ауыл әкімінің міндетін атқарушы Е.Құдайсүгіров.

Ойын алаңы ашылғаннан кейін, Құрық ауылы әкімі аппаратының ұйымдастыруымен стритбол, эстафета, арқан тарту, бес асық және қол күрес түрлерінен спорттық сайыстар өтті. 

Спорттық іс-шараның нәтижесі бойынша жеңімпаздарға Құрық ауылы әкімінің дипломы мен ақшалай сыйлықтар табыс етілді.