• USD 378.65
  • EUR 430.07
  • RUB 6
  • CNY 55.1
17 Тамыз, 23:46:16
Медициналық сақтандыру: Өз денсаулығыңыз – өз қолыңызда

10 Шілде, 2019 Экономика

100 нақты қадам: Еңбегіне қарай – еңбекақы нәтижесі

Қазіргі кезде жүйелі түрде жүзеге асып жатқан бар мәселені айта кетпеске болмайды. Бұрын айта кету керек, мемлекеттік аппаратта болсын, жекелеген мекемелерде болсын, барлығына бірдей тұрақты айлық төленіп келді. Қазір заман басқа. Қалай еңбек етсең, соның нәтижесін көруің керек. Бұл – нарық талабы. Бүкіл әлем елдерінде де солай. Мұндай жүйе қазір біздің мемлекеттік қызмет аппаратында да қолданыла бастады. Мұның пайдасы өте зор. Мұның жүзеге асуына бірден бір себеп болып отырған Елбасы Назарбаевтың "100 нақты қадам" Ұлт жоспары.

Ұлт жоспарының 5-қадамында "Мемлекеттік қызметкерлердің жалақысын қызметінің нәтижесіне байланысты өсіру" қажеттігі атап көрсетілген. Бұл өте тиімді. Неге?

  1. Ең алдымен мемлекеттік аппараттың сапасы артады.
  2. Мемлекеттік аппаратта қызмет істейтін қызметкерлердің жұмыс уақыты кейде 10-12 сағатқа созылып кететіні бар.
  3. Мұндай жағдайда, яғни 5-бапқа сәйкес, олар еңбегінің нәтижесін көреді.
  4. Олар жыл аяғына қарай жұмыс нәтижесіне байланысты көтерме бонус алады.
  5. "100 нақты қадамға" сәйкес мемлекеттік қызметкерлердің жеке жұмысының нәтижесі жылдық жеке жоспары мен жобаларының орындалуына қатысты бағаланады.
  6. Сонымен қатар, тұрақты айлық деңгейі бар. Егер сен нәтижелі жұмыс істемесең, осы тұрақты айлықпен күн көресің. Осы орайда өзің таразылып, шамалап салыстырып көр. Тұрақты бірқалыпты айлықпен өмір сүрген жақсы ма, жоқ әлде, сапалы нәтижелі жұмыс істеп, жоғары жалақы алған дұрыс па? Әрине соңғысы тұрмысқа оң әсер етеді.
  7. Ұлт жоспарына сәйкес, енді тоқсан сайын, мереке сайын берілетін мерекелік сыйақылар алынып тасталынатын болады.
  8. Сондықтан алдағы уақытта мемлекеттік қызметкердің арнайы білімінің болуы, тәжірибелілігі, оның жұмыс істеу сапасы, жүктемесінің шектен тыс көбеюі, мұның барлығы да соңында таразыланып, есепке алынады.
  9. Бұл өз кезегінде мемлекеттік қызметке деген жауапкершілікті арттырады.

Жалпы еңбегінің нәтижесіне қарай төленетін еңбекақы жүйесі дамыған елдерде осы уақытқа дейін қолданылып келді. Біздің нарықта жұмыс істеп жатқан коммпанияларда да бұл жүйе дамыған. Енді бұл біздің мемлекеттік қызмет апаратында да жүзеге  асады. Сондықтан мемлекеттік қызметке деген қызығушылық пен жауапкершілік артатын болады. Ал мұның тиімділігі өте зор.

Бесінші қадамда "Мемлекеттік қызметкерлердің жалақысын қызметінің нәтижесіне байланысты ӨСІРУ" деп айтылған. Оған қоса, "ауыстырылатын мемлекеттік қызметкерлерге лауазымдық міндеттерін атқару кезеңінде оларға жекешелендіру құқығынсыз қызметтік пәтерлерді міндетті түрде беру" деген 8-қадамдағы нұсқаулықтың мәні мемлекеттік қызметке орналасқан адам үшін өте маңызды. Біздің ойымызша, қазіргі заманда бұл екеуі де аса қажетті, міндетті шарттардың бірі. Өйткені "еңбегіне қарай – жемісі" демекші, адам­ның атқарған шаралары мен жұмысына қарай бағалау Еуропа елдерінде әлдеқашан өзінің оң нәтижелерін беріп жүрген бағдарлардың бірі саналады.

2018 жылдан бастап жалақы екі бөліктен тұрады – тұрақты және айнымалы. Айнымалы бөлікте мемлекеттік қызметкерлерге бонустар төленеді, алайда бұл бөлік барлығына бірдей берілмеуі мүмкін. Бұл туралы Қазақстан – 2050 сайты  хабарлайды. Айгүл  Шаимованың сөзінше, Президенттің тапсырмасы бойынша еңбек нәтижесіне байланысты жалақы төлеуге көшу жоспарлануда. "Еңбек өтілін ғана ескеретін қолданыстағы жалақы төлеу жүйесінен гөрі  жаңа жүйе мемлекеттік қызметкердің жұмыс істейтін мекемесінің жұмысына қосқан үлесіне байланысты болады. Қазіргі таңда біз әдістемесін жасақтадық және оның пилоттық қолданылуы келер жылға жоспарлануда", – деп хабарлады ҚР Мемлекеттік қызмет істері және жемқорлыққа қарсы агенттігі төрағасының орынбасары Айгүл Шаимова. Агенттік өкілінің сөзінше, тұрақты бөлік қызметкердің қызметіне байланысты болады. Бұдан бөлек айнымалы бөлік яғни бонустар болады. "Алдын ала жоба бойынша бонустар жылына бір рет төленеді. Әрине, егер мемлекеттік қызметкер нақты бір нәтижеге қол жеткізсе. Қызметкремен жеке жоспар жасалады. Жеке жоспар аясында оның алдына нақты міндет қойылады, егер ол жақсы баға алатын болса оған бонус төленеді", – деп түсіндірді ол. 

Үшінші қадамда – "Қазақстан Республикасының Мемлекеттік қызмет және жемқорлыққа қарсы іс-қимыл агенттігінің рөлін арттыру есебінен мемлекеттік қызметке алғаш рет қабылданушыларды іріктеу ресімін орталықтандыру. Үш сатылы іріктеу жүйесін енгізу" делінген. Ал төртінші қадамда "3+3 ФОРМУЛАСЫ БОЙЫНША мемлекеттік қызметке бірінші рет қабылданушылар үшін МІНДЕТТІ ТҮРДЕ СЫНАҚ МЕРЗІМІ (тиісінше үш айдан кейін және алты айдан кейін сәйкестілікті межелік бақылау)" делінген. Бұл екі қадам бір-бірімен тығыз байланыста. Нақтыласақ, бірінші кезең тестілеуден тұрады. Екінші кезең – адамның жеке қасиеттерін бағалаудан, ал үшінші кезең әңгімелесуден құралады. Бұл кезеңдердің барлығынан өткен азаматтарға сол салада қызмет етушілерден тәлімгерлер бекітіліп, 3 айдан бастап 6 айға дейін сынақ мерзімі белгіленеді. Бұл да болса білікті жас маманға қатысты оңтайлы орындалар шараның бірі деп санаймыз.

Ильдар Адильчинов

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір