• USD 389.52
  • EUR 429.21
  • RUB 6.07
  • CNY 54.94
14 Қазан, 09:59:18
Расул Жұмалы: Қандастардың «тау-тасты басып өттік» деуі қисынға келмейді

24 Қыркүйек, 2019 NEWS

Қасым-Жомарт Тоқаевтың Нью-Йоркке сапарының видеосы пайда болды

Мемлекет басшысы Қасым-Жомарт Тоқаев БҰҰ Бас Ассамблеясының 74-сессиясы аясында бірқатар кездесулер өткізді. Әлеуметтік желіде іссапардың алғашқы күнінің бейнеролигі пайда болды деп хабарлайды Qamshy.kz ақпарат агенттігі.

Видеоны Мемлекет басшысының баспасөз қызметінің жетекшісі Берік Уәли Facebook желісіндегі парақшасында жариялады.

"АҚШ, Нью-Йорк қаласы, БҰҰ штаб-пәтері 23.09.19.

Қазақстан Президенті Қасым-Жомарт Тоқаевтың Нью-Йоркке сапары АҚШ-тағы ықпалды талдау орталығы саналатын "Atlantic Council" ("Атлантикалық кеңес") ұйымының қолдауымен ұйымдастырылған белгілі америкалық саясаткерлермен және сарапшылар қауымдастығының өкілдерімен кездесумен басталды.

Кездесу барысында Мемлекет басшысы Қазақстан-Америка қарым-қатынастарының қазіргі жай-күйі мен даму перспективалары, сыртқы саясаттың негізгі басымдықтары, Қазақстанның сауда-экономикалық және инвестициялық әлеуеті туралы егжей-тегжейлі баяндады.

Сондай-ақ, Мемлекет басшысы «Bloomberg» ақпарат агенттігінің негізін қалаушы әрі иесі Майкл Блумбергпен кездесті.
Кездесу барысында тараптар Қазақстан мен «Bloomberg» ақпарат агенттігі арасындағы ынтымақтастықтың келешегін талқылап, әлемдік экономиканың күн тәртібіндегі өзекті мәселелері жөнінде пікір алмасты.

Сонымен қатар, Қазақстан Президенті БҰҰ-ның Өркениеттер Альянсының Жоғары өкілі Анхел Моратиноспен кездесті.
Тараптар өзара іс-қимыл перспективаларын, атап айтқанда, дінаралық келісім мен өркениеттердің жаһандық диалогын нығайту жайын талқылады.

Түстен кейін Мемлекет басшысы БҰҰ Бас Ассамблеясының 74-ші сессиясы аясында америкалық және жетекші трансұлттық компаниялардың басшыларымен бірқатар кездесулер өткізді. Кешкісін компания жетекшілерімен дөңгелек үстел басында пікір алмасты" делінген жазбада.


 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір